Уншиж байна ...
Зураг
Зураг
ХУУЧИРСАН МЭДЭЭ: 2016/11/02-НД НИЙТЛЭГДСЭН

С.Одонтуяа БГД-ийн Засаг дарга боллоо

Г.Номин, iKon.mn
2016 оны 11 сарын 2
iKon.MN
Зураг зураг
Гэрэл зургийг mpa.mn

Сум, дүүргийн ИТХ-ын сонгуулиар Баянгол дүүрэгт 41 төлөөлөгч сонгогдохоос Ардчилсан нам 31 суудлыг авч, ялалт байгуулсан билээ. 

Тэгвэл өнөөдөр Баянгол дүүргийн ИТХ-ын анхдугаар хуралдаан болж,  Дүүргийн ИТХ-ын дарга, Засаг даргыг томиллоо. Дүүргийн ИТХ-н даргаар өмнөх дөрвөн жилд БГД-ийн засаг даргын орлогчоор ажиллаж байсан Г.Энхболд томилогдсон бол Засаг даргаар УИХ-ын гишүүн асан С.Одонтуяа олонхын саналаар томилогджээ.

Орон нутгийн сонгуулийн өмнө Баянгол дүүргийн Ардчилсан намаас мэдэгдэл гаргаж, ялалт байгуулж олонх болвол УИХ-ын гишүүн асан С.Одонтуяаг Засаг даргаар томилохоо мэдэгдэж байсан юм.

Товч танилцуулга:

С.Одонтуяа  нь 1982 онд Нийслэлийн 10-н жилийн 1-р дунд сургууль, 1988 онд ОХУ-ын Санкт Петербург хотын Улсын Их сургууль төгссөн. Англи, орос хэлтэй. Олон улсын эдийн засаг, харилцааны мэргэжилтэй. Бизнесийн удирдлагын магистр зэрэгтэй.

1988-1991 онд Шинжлэх Ухаан Техник мэдээллийн төвд мэргэжилтэн

1991-1994 онд *Сант* ББХК-ийн захирал

1995-2008 онд *Сод трейд* ХХК-ий ерөнхий захирал

2007 оноос *Иргэн Та Баялаг* сангийн тэргүүн

2008-2012 онд Нийслэлийн Иргэдийн Төлөөлөгчдийн Хурлын төлөөлөгч

2011-2012 онд Эрүүл мэндийн сайдын зөвлөх

2012 оны Улсын Их Хурлын зургаа дахь удаагийн сонгуулиар  Монгол Улсын Их Хурлын гишүүнээр сонгогдож байсан билээ.