Х.Баттулга: Төмөр замын хэргийг шалгаж байгаад хувийн компани руу орж байгаад харамсаж байна
20:10 2016/04/11
Цагдаагийн албан хаагчид 19:45 цагийн үед "Түмэн хишигтэн", "Баялгийн хувь" компанийн бичиг баримтуудыг хуягласан машинд хийгээд аваад явлаа.
Баянгол зочид буудлын хойд хаалган дээр Жүдо бөхийн холбооныхон зогсоод цагдаа нарыг оруулж гаргахгүй нэлээд удсан. Цагдаа нар эд мөрийн баримтад авсан бичиг баримтаа хуягласан машин руугаа зөөж чадахгүй байсан учир дотор байсан Х.Баттулга болон түүний өмгөөлөгчтэй ярилцан үүдэн дээр байсан бөхчүүдээр хамгаалуулан гарсан юм.
Бөхчүүдээс гадна уг үйл явдлыг сонирхож, дэврээж байсан иргэд цагдаа нарыг гарч ирэхэд "Нэг ч хүн өгч явуулахгүй шүү" хэмээн дайрч байв. Ийнхүү Баянгол зочид буудлын хаалганаас машин хүртлээ бөхчүүдээр хамгаалуулсан цагдаа нар бичиг баримтаа зөөж дуусгасан.
Үүний дараа УИХ-ын гишүүн Х.Баттулга товч мэдээлэл хийлээ.
Х.Баттулга "Төмөр замын гэж явсан хэрэг маань өнөөдөр хувийн компани руу орж байгаад харамсаж байна. Үүнийг захиалж байгаа эзэд нь удахгүй тодорхой болох байх аа.
Ард түмнийг ингэж талцуулах дэмий л юм байгаа юм даа. Та бүхэндээ баярлалаа" хэмээлээ.
19:12 2016/04/11
Танай зочид буудал бидний аюулгүй байдлыг хэрхэн хамгаалах вэ гэсэн асуудлыг тавьж байна
Баянгол зочид буудлын үйлчилгээний ажилтан "Энэ үймээнтэй байдал бидний ажилд саад болж, ажлаа хийх боломжгүй болж байна. Маргааш Азийн аваргын тэмцээн манайд болно. Тэмцээнд орох гадаадын 17 орны 250 гаруй тамирчин ирж байгаа. Эхнээсээ Буянт-Ухаад бууж байна. Тэд танай зочид буудал бидний аюулгүй байдлыг хэрхэн хамгаалах вэ гэсэн асуудлыг тавьж байна." гэв.
18:32 2016/04/11
ЦЕГ: УИХ-ын гишүүний биед халдсан зүйл байхгүй, баривчлах зорилгогүй
Цагдаагийн Ерөнхий Газраас болоод байгаа үйл явдлын талаар албан ёсны тайлбар хийлээ.
ЦЕГ-ын Хэвлэл мэдээллийн төвийн дарга, цагдаагийн хошууч Б.Баатархүү ”Шинэ төмөр зам болон Сайншандын аж үйлдвэрийн парктай холбогдуулан Баянгол зочид буудалд байрлах "Түмэн хишигтэн", "Баялгийн хувь" хоёр компанид санхүүгийн шалгалтыг оруулсан.
УИХ-ын гишүүний биед халдсан зүйл байхгүй, баривчлах зорилго байхгүй. Прокурорын зөвшөөрөлтэйгөөр шалгалт хийж байна. Үүнээс илүү тодорхой мэдээлэл өгөх боломжгүй.” гэв.
18:18 2016/04/11
Баянгол зочид буудлын хойд хаалган дээр 04-00 УБҮ дугаартай тусгайгийн хуягласан машин зогссон байна.
18:13 2016/04/11
УИХ-ын гишүүд, жүдогийнхон Баянгол зочид буудлын гадаа ирлээ
УИХ-ын гишүүн, Өргөдлийн байнгын хорооны дарга Ж.Батзандан: Манай цагдаагийнхан хүний эрхийг дээдэлж байна уу зөрчиж байна уу гэдгийг нүдээрээ харахаар ирлээ. Байнгын хороонд нэгжлэг хийж байна гэсэн мэдээлэл ирсэн.
17:52 2016/04/11
Монгол Улсын Хөдөлмөрийн баатар, Гавьяат тамирчин Х.Цагаанбаатар, Монгол Улсын гавьяат тамирчин, үндэсний бөхийн улсын аварга О.Балжиннямтай хамт бусад жүдогийн бөхчүүд ирсэн байна. Түүнчлэн "Hero" энтертайнментийн захирал Б.Баатар иржээ.
Баянгол зочид буудлын гадаа эмх замбараагүй байдал үүсэхээс сэргийлж 500 орчим цагдаагийн хамгаалалт гарч магадгүй байна.
17:47 2016/04/11
Х.Баттулгын охин Б.Намуун "Тавантолгой дээр дуугарч байгаа хүн болгоныг л барьж хорьж байна. Баянголын хажууд хүүхдийн цэцэрлэг байдаг. Цэцэрлэгийн хажуугаар цагдаа, тусгайгийнхан яваад байх юм" гэв.
Баянгол зочид буудал дотор хийж буй нэгжлэгийн талаар Цагдаагийн Ерөнхий Газраас 18:00 цагаас хэвлэлийн хурал хийхээр болжээ.
17:38 2016/04/11
УИХ дахь АН-ын бүлгийн дарга Б.Гарамгайбаатар: Төрийн ордноос мэдээлэл аваад ирлээ. Нөхцөл байдлыг ажиглая. Болоод байгаа үйл явдлын талаар надад одоогоор ямар ч мэдээлэл алга гэв.
Мөн УИХ-ын гишүүн Г.Уянга ирсэн байна.
17:23 2016/04/11
Нийслэлийн Засаг дарга бөгөөд Улаанбаатар хотын захирагч Э.Бат-Үүл, 2008 оны Бээжингийн олимпийн аварга Н.Түвшинбаяр нар Баянголын гадаа ирлээ.
Нийслэлийн Засаг дарга бөгөөд Улаанбаатар хотын захирагч Э.Бат-Үүл "Би сошиалаас мэдэж ирлээ. Хуулиар бол нэгжлэг хийх гэж байгаа бол прокуророос зөвшөөрөл аваад, хоёр гэрч байж нэгжлэг хийх ёстой. Нэгжлэг хийхэд тусгайгийнхан хийдэг болчихсон юм уу" гэв.
Бээжингийн олимпийн аварга Н.Түвшинбаяр "Маргааш Азийн аваргын тэмцээн манайд болох гэж байна. Жүдогийн Холбооны Ерөнхийлөгчийг яаж ч магадгүй байхад бид ирэлгүй яахав. Ерөнхийлөгчийг ийм байдалд оруулж байгаа нь тамирчдын сэтгэлзүйд нөлөөлөхгүй гэх газаргүй.
17:00 2016/04/11
MoАХ-ны Ерөнхий нарийн бичгийн дарга, Барилга, хот байгуулалтын дэд сайд асан, УИХ-ын дарга З.Энхболдын орон тооны бус зөвлөх Г. Байгалмаа "Баянгол" зочид буудлын гадаа ирээд байна. Түүнээс болоод байгаа үйл явдлын талаар тодрууллаа.
Г. Байгалмаа "Гишүүний бүрэн эрх нь дуусаагүй байхад яг сонгууль болохын өмнө ингэж байгаа нь өөрөө цаанаа улс төрийн зорилготой гэдэг нь тодорхой харагдаж байна. Тавантолгойг хэн гацааж, хэн цааш нь явуулах гэж байгааг ард түмэн мэдэж байгаа. МоАХ-ны эв нэгдлийн цуглаан дээр "Ардчилал" сонины тусгай дугаарт энэ хэргийн цаана хэн байгааг тодорхой бичсэн байгаа. Би сая ирээд юу болоод байгаа талаар өмгөөлөгчтэй нь холбогдож асуух гэсэн боловч утсаа авахгүй байна" гэв.
Мөн УИХ-ын гишүүн, Зам тээврийн сайд М.Зоригт "Баянгол" зочид буудлын гадаа ирсэн байна. Тэрбээр "Сая жиргээнээс УИХ-ын гишүүн Х.Баттулгыг баривчлах гэж байна гэснийг хараад Засгийн Газрын хуралдааныг орхиод гараад ирлээ. Юу болоод байгааг мэдэхгүй байна" гэв.
16:55 2016/04/11
Их аварга Д.Дагвадорж Баянгол зочид буудал дээр ирлээ. Тэрбээр "Та нарыг ярихаар чинь яарч сандраад ирлээ. Энд юу болоод байна вэ. Гишүүний бүрэн эрх гэж байдаг биз дээ" гэв.
Үүний дараа Д.Дагвадорж аварга төв хаалгаар орох гэсэн боловч оруулаагүй тул өөр хаалгаар дотогш оров.
16:46 2016/04/11
УИХ-ын гишүүн Х.Баттулга нэгжлэг дууссаны дараа албан ёсоор мэдээлэл өгнө гэж хэвлэлийнхэнд мэдэгджээ.
16:37 2016/04/11
Х.Баттулга гишүүний туслах Д.Ариунсэлэнгэ твиттертээ доорх зургийг нийтэлжээ.
16:34 2016/04/11
Эх сурвалжийн өгсөн мэдээллээр Х.Баттулга гишүүний Баянгол зочид буудал дахь албан өрөөнд нь цагдаа, тусгайгийн 30 гаруй хүн нэгжлэг хийж байна.
Түүнтэй хамт өрөөнд нь УИХ-ын гишүүн Л.Эрдэнэчимэг, Д.Ганбат нар байгаа аж.
Одоо тус оффис руу хэвлэлийнхэн болон бусад хүмүүсийг нэвтрүүлэхгүй байгаа бөгөөд дотроос нь хүн гаргахгүй байгаа юм.
16:13 2016/04/11
УИХ-ын гишүүн Х.Баттулгын албан өрөөнд хууль хяналтынхан дайрч оржээ
УИХ-ын гишүүн Х.Баттулгын "Баянгол" зочид буудал дахь албан өрөөнд дөнгөж сая хууль хяналтын байгууллагынхан дайрч орсон тухай мэдээллийг түүний хэвлэлийн төлөөлөгч Д.Ариунсэлэнгэ өглөө.
Одоогоор ямар зорилгоор Х.Баттулга гишүүний өрөө рүү хууль хяналтынхан дайрч орсон нь тодорхойгүй байгаа юм. Гэхдээ өмнө нь түүний туслах хоёр эмэгтэйг төмөр замын хэрэгтэй холбогдуулан цагдан хорьж, шалгаж байсан билээ.
16:34 2016/04/11
Эх сурвалжийн өгсөн мэдээллээр Х.Баттулга гишүүний Баянгол зочид буудал дахь албан өрөөнд нь цагдаа, тусгайгийн 30 гаруй хүн нэгжлэг хийж байна.
Түүнтэй хамт өрөөнд нь УИХ-ын гишүүн Л.Эрдэнэчимэг, Д.Ганбат нар байгаа аж.
Одоо тус оффис руу хэвлэлийнхэн болон бусад хүмүүсийг нэвтрүүлэхгүй байгаа бөгөөд дотроос нь хүн гаргахгүй байгаа юм.
16:37 2016/04/11
Х.Баттулга гишүүний туслах Д.Ариунсэлэнгэ твиттертээ доорх зургийг нийтэлжээ.
16:46 2016/04/11
УИХ-ын гишүүн Х.Баттулга нэгжлэг дууссаны дараа албан ёсоор мэдээлэл өгнө гэж хэвлэлийнхэнд мэдэгджээ.
16:55 2016/04/11
Их аварга Д.Дагвадорж Баянгол зочид буудал дээр ирлээ. Тэрбээр "Та нарыг ярихаар чинь яарч сандраад ирлээ. Энд юу болоод байна вэ. Гишүүний бүрэн эрх гэж байдаг биз дээ" гэв.
Үүний дараа Д.Дагвадорж аварга төв хаалгаар орох гэсэн боловч оруулаагүй тул өөр хаалгаар дотогш оров.
17:00 2016/04/11
MoАХ-ны Ерөнхий нарийн бичгийн дарга, Барилга, хот байгуулалтын дэд сайд асан, УИХ-ын дарга З.Энхболдын орон тооны бус зөвлөх Г. Байгалмаа "Баянгол" зочид буудлын гадаа ирээд байна. Түүнээс болоод байгаа үйл явдлын талаар тодрууллаа.
Г. Байгалмаа "Гишүүний бүрэн эрх нь дуусаагүй байхад яг сонгууль болохын өмнө ингэж байгаа нь өөрөө цаанаа улс төрийн зорилготой гэдэг нь тодорхой харагдаж байна. Тавантолгойг хэн гацааж, хэн цааш нь явуулах гэж байгааг ард түмэн мэдэж байгаа. МоАХ-ны эв нэгдлийн цуглаан дээр "Ардчилал" сонины тусгай дугаарт энэ хэргийн цаана хэн байгааг тодорхой бичсэн байгаа. Би сая ирээд юу болоод байгаа талаар өмгөөлөгчтэй нь холбогдож асуух гэсэн боловч утсаа авахгүй байна" гэв.
Мөн УИХ-ын гишүүн, Зам тээврийн сайд М.Зоригт "Баянгол" зочид буудлын гадаа ирсэн байна. Тэрбээр "Сая жиргээнээс УИХ-ын гишүүн Х.Баттулгыг баривчлах гэж байна гэснийг хараад Засгийн Газрын хуралдааныг орхиод гараад ирлээ. Юу болоод байгааг мэдэхгүй байна" гэв.
17:23 2016/04/11
Нийслэлийн Засаг дарга бөгөөд Улаанбаатар хотын захирагч Э.Бат-Үүл, 2008 оны Бээжингийн олимпийн аварга Н.Түвшинбаяр нар Баянголын гадаа ирлээ.
Нийслэлийн Засаг дарга бөгөөд Улаанбаатар хотын захирагч Э.Бат-Үүл "Би сошиалаас мэдэж ирлээ. Хуулиар бол нэгжлэг хийх гэж байгаа бол прокуророос зөвшөөрөл аваад, хоёр гэрч байж нэгжлэг хийх ёстой. Нэгжлэг хийхэд тусгайгийнхан хийдэг болчихсон юм уу" гэв.
Бээжингийн олимпийн аварга Н.Түвшинбаяр "Маргааш Азийн аваргын тэмцээн манайд болох гэж байна. Жүдогийн Холбооны Ерөнхийлөгчийг яаж ч магадгүй байхад бид ирэлгүй яахав. Ерөнхийлөгчийг ийм байдалд оруулж байгаа нь тамирчдын сэтгэлзүйд нөлөөлөхгүй гэх газаргүй.
17:38 2016/04/11
УИХ дахь АН-ын бүлгийн дарга Б.Гарамгайбаатар: Төрийн ордноос мэдээлэл аваад ирлээ. Нөхцөл байдлыг ажиглая. Болоод байгаа үйл явдлын талаар надад одоогоор ямар ч мэдээлэл алга гэв.
Мөн УИХ-ын гишүүн Г.Уянга ирсэн байна.
17:47 2016/04/11
Х.Баттулгын охин Б.Намуун "Тавантолгой дээр дуугарч байгаа хүн болгоныг л барьж хорьж байна. Баянголын хажууд хүүхдийн цэцэрлэг байдаг. Цэцэрлэгийн хажуугаар цагдаа, тусгайгийнхан яваад байх юм" гэв.
Баянгол зочид буудал дотор хийж буй нэгжлэгийн талаар Цагдаагийн Ерөнхий Газраас 18:00 цагаас хэвлэлийн хурал хийхээр болжээ.
17:52 2016/04/11
Монгол Улсын Хөдөлмөрийн баатар, Гавьяат тамирчин Х.Цагаанбаатар, Монгол Улсын гавьяат тамирчин, үндэсний бөхийн улсын аварга О.Балжиннямтай хамт бусад жүдогийн бөхчүүд ирсэн байна. Түүнчлэн "Hero" энтертайнментийн захирал Б.Баатар иржээ.
Баянгол зочид буудлын гадаа эмх замбараагүй байдал үүсэхээс сэргийлж 500 орчим цагдаагийн хамгаалалт гарч магадгүй байна.
18:13 2016/04/11
УИХ-ын гишүүд, жүдогийнхон Баянгол зочид буудлын гадаа ирлээ
УИХ-ын гишүүн, Өргөдлийн байнгын хорооны дарга Ж.Батзандан: Манай цагдаагийнхан хүний эрхийг дээдэлж байна уу зөрчиж байна уу гэдгийг нүдээрээ харахаар ирлээ. Байнгын хороонд нэгжлэг хийж байна гэсэн мэдээлэл ирсэн.
18:18 2016/04/11
Баянгол зочид буудлын хойд хаалган дээр 04-00 УБҮ дугаартай тусгайгийн хуягласан машин зогссон байна.
18:32 2016/04/11
ЦЕГ: УИХ-ын гишүүний биед халдсан зүйл байхгүй, баривчлах зорилгогүй
Цагдаагийн Ерөнхий Газраас болоод байгаа үйл явдлын талаар албан ёсны тайлбар хийлээ.
ЦЕГ-ын Хэвлэл мэдээллийн төвийн дарга, цагдаагийн хошууч Б.Баатархүү ”Шинэ төмөр зам болон Сайншандын аж үйлдвэрийн парктай холбогдуулан Баянгол зочид буудалд байрлах "Түмэн хишигтэн", "Баялгийн хувь" хоёр компанид санхүүгийн шалгалтыг оруулсан.
УИХ-ын гишүүний биед халдсан зүйл байхгүй, баривчлах зорилго байхгүй. Прокурорын зөвшөөрөлтэйгөөр шалгалт хийж байна. Үүнээс илүү тодорхой мэдээлэл өгөх боломжгүй.” гэв.
19:12 2016/04/11
Танай зочид буудал бидний аюулгүй байдлыг хэрхэн хамгаалах вэ гэсэн асуудлыг тавьж байна
Баянгол зочид буудлын үйлчилгээний ажилтан "Энэ үймээнтэй байдал бидний ажилд саад болж, ажлаа хийх боломжгүй болж байна. Маргааш Азийн аваргын тэмцээн манайд болно. Тэмцээнд орох гадаадын 17 орны 250 гаруй тамирчин ирж байгаа. Эхнээсээ Буянт-Ухаад бууж байна. Тэд танай зочид буудал бидний аюулгүй байдлыг хэрхэн хамгаалах вэ гэсэн асуудлыг тавьж байна." гэв.
20:10 2016/04/11
Цагдаагийн албан хаагчид 19:45 цагийн үед "Түмэн хишигтэн", "Баялгийн хувь" компанийн бичиг баримтуудыг хуягласан машинд хийгээд аваад явлаа.
Баянгол зочид буудлын хойд хаалган дээр Жүдо бөхийн холбооныхон зогсоод цагдаа нарыг оруулж гаргахгүй нэлээд удсан. Цагдаа нар эд мөрийн баримтад авсан бичиг баримтаа хуягласан машин руугаа зөөж чадахгүй байсан учир дотор байсан Х.Баттулга болон түүний өмгөөлөгчтэй ярилцан үүдэн дээр байсан бөхчүүдээр хамгаалуулан гарсан юм.
Бөхчүүдээс гадна уг үйл явдлыг сонирхож, дэврээж байсан иргэд цагдаа нарыг гарч ирэхэд "Нэг ч хүн өгч явуулахгүй шүү" хэмээн дайрч байв. Ийнхүү Баянгол зочид буудлын хаалганаас машин хүртлээ бөхчүүдээр хамгаалуулсан цагдаа нар бичиг баримтаа зөөж дуусгасан.
Үүний дараа УИХ-ын гишүүн Х.Баттулга товч мэдээлэл хийлээ.
Х.Баттулга "Төмөр замын гэж явсан хэрэг маань өнөөдөр хувийн компани руу орж байгаад харамсаж байна. Үүнийг захиалж байгаа эзэд нь удахгүй тодорхой болох байх аа.
Ард түмнийг ингэж талцуулах дэмий л юм байгаа юм даа. Та бүхэндээ баярлалаа" хэмээлээ.
