- Өнөөдрийн байдлаар иргэдэд түрээслүүлэх 929 орон сууц байна -
Түрээсийн орон сууц, орон нутгийн түрээсийн орон сууц, хувийн өмчийн түрээсийн орон сууц гэсэн гурван өмчийн хэлбэртэйгээр хэрэгжүүлэх юм. “Төрийн орон сууцны корпораци” ТӨҮГ нь төрийн түрээсийн орон сууцны ашиглалт удирдлагыг хариуцан ажиллана. БХБЯамнаас иргэдийг түрээсийн орон сууцанд хамруулах журмыг баталсан. /Энэ тухай дэлгэрэнгүй мэдээллийг ЭНД дарж унших боломжтой./ Харин Төрийн орон сууцны корпораци нь /ТОСК/ гүйцэтгэх дотоод журам баталснаар хөтөлбөр бүрэн хэрэгжих юм.
Уг ажлын хүрээнд “Төрийн орон сууцны корпораци”-ийн Улаанбаатар хот болон хөдөө орон нутагт захиалж бариулсан орон сууцнаас 929 орон сууцыг төрийн түрээсийн орон сууцны санд шилжүүлэх, түүнийг холбогдох журмын дагуу иргэдэд түрээслүүлэх үйл ажиллагааг эрхлэх тогтоол гаргажээ. Энэ дагуу дараах орон сууцыг түрээслэхээр бэлтгэл ажлаа хангасан байна.
Д/д | Аймгийн нэрс | Түрээсийн орон сууцны тоо |
1 | Архангай | 120 |
2 | Увс | 84 |
3 | Дархан-Уул | 83 |
4 | Сэлэнгэ | 90 |
5 | Хэнтий | 96 |
6 | Ховд | 96 |
7 | Хэнтий-Бор- Өндөр | 10 |
Улаанбаатар хотод | Өрөөний мкв | Түрээсийн орон сууцны тоо |
“Буянт-Ухаа 2” хороолол | 39.3 | 250 |
“Буянт-Ухаа 2” хороолол | 49.23 | 100 |
Түрээсийн орон сууцанд амьдрах иргэнээс болзошгүй эрсдэлийг нөхөх зорилгоор барьцаа төлбөр авах бөгөөд уг төлбөрийн хэмжээ нь 3 сарын түрээсийн төлбөртэй тэнцүү байна.
Дээрх үнийг ҮСХ-оос гаргадаг өрхийн орлогын төвшингийн өөрчлөлтөөс хамаарч 1-2 жил тутамд шинэчлэн тогтоож байхаар мөн журамд тусгав. “Түрээсийн орон сууц” хөтөлбөрт 5 хүртлэх жилээр гэрээ хийн хамрагдах боломжтой бөгөөд хүсэлтээ ТОСК-д хүргүүлэх юм. “Түрээсийн орон сууц” хөтөлбөрийг 2015-2021 онд хэрэгжүүлж, улмаар Улаанбаатар хотод 16 мянга, хөдөө орон нутагт 4 мянган айлын түрээсийн орон сууцны сан бүрдүүлж ашиглана гэж ТОСК-ийн Хэвлэл мэдээлэл, олон нийттэй харилцах албанаас мэдээллээ.