Ц.Шаравдорж: Хүүхдийн аюулгүй байдлыг хангаагүй бол хурдан морины уралдааныг хориглоно
Хүүхдийн аюулгүй байдлыг хангаагүй бол хурдан морины уралдаан зохион байгуулахгүй байх чиглэл өгчээ.
“Стандартын шаардлага хангасан хамгаалалтын малгай, цээживч, тохойвч, өвдгөвч өмсүүлж, унаач хүүхдийн аюулгүй байдлыг бүрэн хангаагүй, даатгалд хамруулаагүй, хүүхдийн эцэг, эхтэй гэрээ байгуулаагүй бол цаашид өвөл, хаврын хурдан морины уралдаан зохион байгуулахыг хориглох нь зүйтэй” гэж Мэргэжлийн Хяналтын Ерөнхий Газрын даргын үүрэг гүйцэтгэгч Ц.Шаравдорж хэллээ.
Тэрбээр аймаг, нийслэлийн Мэргэжлийн хяналтын байгууллагын удирдлага, албан хаагчидтай цахим хурал хийхдээ ийм чиглэл өгсөн байна.
Эх сурвалж: МХЕГ-ын Гадаад харилцаа, олон нийттэй харилцах хэлтэс
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
