Ээлжит бус чуулганы нээлтийг хойшлууллаа
УИХ-ын 2015 оны хаврын ээлжит чуулганаар хэлэлцэх асуудлууд дуусаагүй учир сар шинийн баярын дараа ээлжит бус чуулган зарлан хуралдуулахаар болсон билээ.
Баярын дараа буюу хоёрдугаар сарын 15-нд ээлжит бус чуулганыг нээхээр товлосон ч ирц бүрдээгүй учир хоёрдугаар сарын 18-ны өдөр болгон хойшлуулах шийдвэрийг УИХ-ын даргын зөвлөлөөс гаргасан юм.
Гэвч өнөөдөр 09:00 цагаас нээлтээ хийхээр товлосон ээлжит бус чуулган 14:00 хүртэл хойшиллоо. Шалгаан нь мөн л ирц бүрдээгүйтэй холбоотой.
МАН-ын бүлгээс “Эрх барьж буй нам өөрсдөө ирцээ бүрэн байлга. Тэгвэл бид чуулганы нээлтэд оролцоно” гэсэн болзол тавиад байсан. Тиймээс ч гадаадад томилолттой яваа дөрвөн гишүүнээ АН-ынхан яаралтай ирүүлэхээр болсноо мэдэгдэж байв.
Харин өнөөдрийн байдлаар АН-ын гишүүдийн ирц 97.1 хувь, МАН 0, “Шударга ёс” эвсэл 20, ИЗНН 50, бие даагчид 0 хувийн ирцтэй байлаа.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
