Нийслэлийн бага ангийн сурагчдын амралтыг СУНГАЛАА

Цаг агаарын нөхцөл байдлаас шалтгаалж Нийслэлийн ЕБС-иудын бага ангийн /I-V анги/ сурагчдын амралтыг сунгалаа. Бага ангийн хичээл хоёрдугаар сарын 2-нд эхэлнэ гэж БСШУЯ-наас өнөөдөр /2016.01.22/ мэдээллээ.

Ойрын өдрүүдэд хүйтний эрч буурахгүй байгаагаас шалтгаалан нийслэлийн бага ангийн сурагчдын амралтыг тав хоног сунгасан байна.

Харин ЕБС-ийн дунд, ахлах ангийн сурагчдын амралтын хуваарьт өөрчлөлт ороогүй, нэгдүгээр сарын 26-ны Мягмар гарагт хичээл нь орно.

БСШУ-ны сайдын 2015 оны А/02 тоот тушаалаар нийслэлийн болон орон нутгийн ЕБС-ийн бага ангийн сурагчид өвөл 4-5 долоо хоног амардаг болсон юм.

Хөдөө, орон нутгийн сурагчдын хувьд

• Бага ангийн сурагчид нэгдүгээр сарын 19-өөс хоёрдугаар сарын 08 хүртэл гурван долоо хоног, 
   
• Дунд ангийн сурагчид нэгдүгээр сарын 12-оос нэгдүгээр сарын 25 хүртэл хоёр долоо хоног,
   
• Ахлах ангийн сурагчид нэгдүгээр сарын 12-оос нэгдүгээр сарын 18 хүртэл нэг долоо хоног амрах хуваарьтай байгаа.