ҮЙЛ ЯВДАЛ: “Буянт-Ухаа 2” хорооллын нээлтийн ажиллагаа болно

Чингэлтэй дүүргийн 9-р хороо дээр

10:00 цагт Дүүргийн хөрөнгө оруулалтаар баригдсан 43 дугаар цэцэрлэгийн Нэмэлт бүлгийн байрыг ашиглалтад хүлээж авна.

Төрийн ёслол хүндэтгэлийн танхим:

11:30 цагт: Монгол Улсын оны онцлох хүүхдүүдэд шагнал гардуулах ёслолын арга хэмжээ Төрийн ёслол хүндэтгэлийн танхим /9 хөлт цагаан тугтай танхим/-д болно. Шагналыг Монгол Улсын Ерөнхий сайд Ч.Сайханбилэг гардуулна.

Хан-Уул дүүргийн 10-р хороо дээр

12:00 цагт Дүүргийн хөрөнгө оруулалтаар баригдсан 150 хүүхдийн ортой 230-р цэцэрлэгийн нээлт болно.

Баянгол дүүрэг:

12:00 цагт: Баянгол дүүргийн 100 өвлийн өвгөн, үлгэрийн баатруудын парад алхана. БГД-ийн ЗДТГ-аас 25 дугаар эмийн сангаар өгсөөд хорооллын төв замаар алхаад Өргөө кинотеатр дээр өндөрлөнө.

"Буянт-Ухаа 2" хороололд:

13:00 цагт: Төрийн орон сууцны корпорацын захиалгаар баригдаж буй “Буянт-Ухаа 2” хорооллын эхний ээлжийн 1,620 айлын орон сууцны барилгын нээлтийн ажиллагаа болно. 

 ШУТИС-ын хөгжлийн төвд:

13:00 цагт: Уул уурхайн салбар байгуулагдсаны 93 жилийн ойн хүрээнд зохион байгуулагдаж байгаа "Хөгжлийн төлөө хамтдаа" онол практикийн бага хурал болно.

Хүүхдийн ордонд

14:00 цагт Хөгжлийн бэрхшээлтэй болон зорилтот бүлгийн 1000 хүүхдийн “Харшийн сүлд модны наадам" болно.

СТӨ дээр

16:00 цагт Оюутны эрүүл мэндийг дэмжих аяныг 1300 оюутан эхлүүлнэ.