ҮЙЛ ЯВДАЛ: "Буянт-Ухаа 2" хорооллын захиалгын талаар мэдээлэл өгнө

Эрчим Хүчний Яаманд

10:00 цагаас Багануурт баригдах 700 МВт-ын цахилгаан станцын цахилгаан эрчим хүч худалдах, худалдан авах гэрээг Багануур Пауэр ХХК-тай байгуулах ёслол болно.

НЗДТГ-ын А зааланд

10:30 цагаас  Гэр хорооллын дахин төлөвлөлтийн төслийн удирдах хорооны ээлжит хуралтай. Хурлаар Баянзүрх дүүргийн 13, 14-р хороонд төсөл хэрэгжүүлэгч Цагаан хуаран консалтинг ХХК-ийн дахин төлөвлөлтийн төсөл хэрэгжүүлэгчээс татгалзах тухай ирүүлсэн хүсэлтийн талаар хэлэлцэнэ

Ялалтын талбайд

11:00 цагаас МХЕГ-аас зохион байгуулж буй эрүүл мэнд, боловсрол, соёлын чиглэлийн сарын аяны нээлт болно.

МҮОНРТ-ийн Олон Нийтийн мэдээллийн төвд

11:00 цагаас Нийтийн тээврийг шинэ системд шилжүүлэх "Цахим карт"-ны үйлчилгээгээр үйлчилж байгаа үйлчилгээний байдал, хэрэглэгчийн санал хүсэлт, эрхийн талаар мэдээлэл өгөх хэвлэлийн бага хурал болно.

12:00 цагаас Сурагчдын дүрэмт хувцасны бодит үнийн талаар мэдээллийг иргэдэд хүргэх тухай хэвлэлийн бага хурал болно.

Төрийн орон сууцны корпорацийн хурлын танхимд

12:00 цагаас "Буянт-Ухаа 2" хорооллын захиалга эхлэх гэж байгаатай холбогдуулан хэвлэлийн бага хурал зарлаж байна. "Буянт-Ухаа 2" хорооллын үнэ, журам, өрөөний зохион байгуулалт, захиалгын талаар дэлгэрэнгүй мэдээлэл өгөх болно. 

Чингисийн талбайд

12:00 цагаас Аж үйлдвэрийн яамнаас зохион байгуулж буй ЖДҮ эрхлэгчдийн бараа бүтээгдэхүүнийг сурталчлан таниулах зорилготой "Үндэсний нэрийн бүтээгдэхүүн 2015" нээлтээ хийнэ.

Үндэсний мэдээллийн төвд 

12:30 цагаас Монгол түмний их аварга, Хөдөлмөрийн баатар Д.Цэрэнтогтох тэнгэрт хальсантай холбогдуулан Өвөрхангай аймгийн нутгийн зөвлөл, “Их Монголын хүчтэн” дэвжээнээс мэдээлэл хийнэ.

Жуковын хөшөөний дэргэдэх талбайд

13:00 цагаас УИХ-ын гишүүн Ж.Батзандан Баянзүрх, Налайх дүүргийн бүтэн болон, хагас өнчин хүүхдүүдэд хичээлийн хэрэгсэл гардуулна.