Шавар зуурагч машин хоёр машин дээрээс унажээ

Хан-Уул дүүргийн нэгдүгээр хорооны нутаг дэвсгэр буюу Нисэхийн байрнууд руу эргэх замд ноцтой осол гарсан байна. Тодруулбал, өчигдөр оройн 20.00 цагийн үед  37-97 УНЯ улсын дугаартай том оврын шавар зуурагч машин замын эргэлтэн дээр хурдтай орж ирэн эргэх явцдаа хажуу тийш унасан байна. 

Улмаар хажууханд нь явж байсан 90-40 УНН улсын дугаартай Honda Civic болон 35-99 УНХ улсын дугаартай Chevrolet Cruz автомашинуудыг дарж унажээ.

 

Суудлын тэрэгнүүдэд жолоочоос өөр хүн яваагүй учир азаар хүний амь нас эрсдэж, гэмтэж бэртээгүй байна. Харин шавар зуурагч машины жолоочийг оройн 21:00 цагийн үед онцгой байдлын албаныхан ухаангүй байхад нь гаргаж, эмнэлэг рүү авч явсан байна.