Гацуураа засаж байгаа энэ үед галын аюулгүй байдлаа хангахыг зөвлөв

Шинэ жилийн баяр болж айл өрх, аж ахуйн нэгж, байгууллагууд гацуураа засаж байгаа энэ үед галын аюулгүй байдлаа хангахыг зөвлөлөө.

Аль ч төрлийн гацуур шатамхай, гал алдсан үед богино хугацаанд аюултай хорт хий, утаажилт үүсгэж их хэмжээний гал түймэр гарах эрсдэлтэй байдаг.

Зөвлөмж:

• Гацуурыг 12 вольтын хүчдэлтэй гэрлэн чимэглэлээр чимж, цахилгааны утасны холболтыг дүрмийн дагуу хийх
• Гэрлэн чимэглэлийн цахилгааныг хяналттай асаах
• Хүүхдийг асран хамгаалах хүнгүй орхихгүй байх
• Гэрлийг олон цагаар асаахгүй байх
• Гэрлэн чимэглэл нь гэмтэлтэй эсэхийг шалгах
• Халалт үүссэн эсэхийг тогтмол шалгах
• Тэжээлийн утасны орооцолдоог гаргаж хэрэглэхийг Нийслэлийн Онцгой Байдлын Газраас анхааруулаа.

Өнгөрсөн онд гацуур модны гэрлэн чимэглэлээс үүсэлтэй гал гарч, долоон хүн амиа алдсан харамсалтай явдал болсон юм.