МЭДЛЭГ: Ямар тохиолдолд цахилгаан хэрэглээг дунджаар тооцдог вэ?

Хэрэглэгчдийн цахилгаан эрчим хүчний хэрэглээг тооцохдоо хангагч байгууллагаас сар бүрийн тогтсон өдрүүдэд тоолуурын заалтыг тусгай багажаар уншуулан авч компьютерын программд оруулснаар автоматаар бодогдож, нэхэмжлэх нь хэрэглэгчийн сонгосон банк руу илгээгдэх зарчмаар явагддаг.  

Хэрвээ хэрэглэгч нь тоолуурын заалт тэмдэглэх ажилтныг щит байрлах цэг рүү нэвтэрч орох боломж олгоогүй тохиолдолд сарын хэрэглээг нь дунджаар тооцож төлбөрийг нэхэмжилдэг.

Дунджаар тооцдог бас нэг тохиолдол байдаг нь тоолуурыг баталгаажуулахаар салгаж аваад буцаан суурилуулах хүртэлх “задгай өдрүүд” юм. Мөн л программд автоматаар бодогддог тул хэн нэгний механик үйлдлээс үл хамааран хэрэглэгчийн нэр дээр нэхэмжлэх илгээгддэг.

Щитэнд нэвтрэх боломжгүй тохиолдолд нэхэмжлэх дээр өмнөх сард бичигдсэн эцсийн заалт дээр тухайн сард тооцсон дундаж хэрэглээг нэмж, дараа сард бичилт хийх эхний заалтыг гаргадаг учраас тоолуурын өмнөх болон одоо заалт “0” гэж бичигддэгийг анхаарна уу.

Мэдээллийн эх сурвалж: Улаанбаатар Цахилгаан Түгээх Сүлжээ ТӨХК