ҮЙЛ ЯВДАЛ: "The MongolZ" багийн дэлхийн аваргын шөвгийн наймын тоглолт болно

Төв цэнгэлдэхийн гадна

Өвлийн идэш өргөтгөсөн худалдаа нээгдэнэ.

МҮХАҮТ-ын Их танхимд

09:00 цагт МҮХАҮТ Эдийн засаг, хөгжлийн яамтай хамтран “Монгол Улс, Евразийн эдийн засгийн холбоо хоорондын чөлөөт худалдааны түр хэлэлцээрт бизнес эрхлэгчдийн оролцоо” сэдэвт хэлэлцүүлэг зохион байгуулна.

МУИС-ийн дугуй зааланд

09:00-12:00 цагт Хотын хөрсний асуудал, шийдлийн талаар "Хотжилт ба хүрээлэн буй орчин-2024" сэдэвт зөвлөлдөх уулзалт болно.

“Туушин” зочид буудалд

09:30 цагт Үндэсний хот байгуулалтын форум болно.

СЕХ-ны байранд

10:00 цагт Сонгуулийн эрх зүйн өнөөгийн байдал, цаашдын хандлагын талаарх олон улсын эрдэм шинжилгээний хурал болно. Дэлхийн сонгуулийн байгууллагуудын холбоо, Ардчиллын төлөөх Вестминстер сан болон Өмнөд Африк, Солонгос зэрэг олон улсын сонгуулийн байгууллагууд оролцож сонгуулийн эрх зүйн талаар хэлэлцэнэ.

Зам тээврийн яаманд

10:00-12:30 цагт Төрийн үйлчилгээг иргэдэд  нээлттэй, шуурхай болгож буй ажлуудыг IT салбарын мэргэжилтнүүд, нийтэд танилцуулна.

Америкийн соёл мэдээллийн төвд

10:00 цагт Олон улсын хүний эрхийн өдрийг тохиолдуулан АНУ-ын Элчин сайдын яамнаас Монгол Улс дахь хүний эрхийн нөхцөл байдал, тулгамдаж буй асуудал, хууль тогтоомжийн өөрчлөлтийн талаар иргэний нийгмийн төлөөлөлтэй ярилцах нээлттэй хэлэлцүүлэг зохион байгуулна.

Амгалан захад

10:00 цагт Стандарт, хэмжил зүйн газраас Улаанбаатар хотын иргэдийн хүнсний хэрэгцээнд нийлүүлж буй мал, амьтны гаралтай чанар, аюулгүй байдалд хамтарсан үзлэг, хяналт шалгалт явуулна.

МУИС-ийн Багш, оюутны хөгжлийн төвд

10:00 цагт “Сургалт-Судалгаа-Үйлдвэрлэл" Face to Face форум эхэлнэ.

Үндэсний мэдээллийн төвд

10:30 цагт Шинэ намын гишүүд болон эрх зүйч, эдийн засагч, сэтгүүлч нарын төлөөлөл "Цэцэд Акц" сэдвээр хэвлэлийн хурал зохион байгуулна.

“Монгол ньюс” мэдээллийн төвд

11:00 цагт ШУА-ийн Археологийн хүрээлэн, Польш улсын Вроцлов их сургуулийн Археологийн хүрээлэнгийн археологичид 2024 оны судалгааны явцад Монголоос илрүүлсэн эртний хүний тухай шинэ нээлтийг зарлана.

Төрийн ордонд

14:00 цагт УИХ-ын намрын ээлжит чуулган хуралдана.

Шанхай хотод 

14:00 цагт Цахим спортын Counter Strike-2 тоглоомын "The MongolZ" багийн дэлхийн аваргын шөвгийн наймын тоглолт болно.