Танагдах дөхсөн сургууль, цэцэрлэг, дотуур байрны хүүхдийн хоолны зардлыг ₮31.4 тэрбумаар нэмэгдүүлэв

УИХ-ын чуулганы өчигдрийн хуралдаанаар байнгын хороодоос гаргасан зарчмын зөрүүтэй саналуудыг хэлэлцэн шийдвэрлэсэн. 

Энэ хүрээнд дараах зардлуудыг ирэх оны төсөвт нэмэхээр болсон байна. Үүнд:  

• Хавдрын эмнэлгийн барилгын лизингийн төлбөрт 20,000.0 сая төгрөг, тус эмнэлгийн тоног төхөөрөмжийн зардалд 8,881.7 сая төгрөг, нийт 28,881.7 сая төгрөгөөр Эрүүл мэндийн сайдын төсвийн зардлыг нэмэгдүүлэх,
• Сургууль, цэцэрлэг, дотуур байрны хүүхдийн хоолны зардалд зориулж 31,400.0 сая төгрөгөөр Боловсролын сайдын урсгал зардлыг нэмэгдүүлэх,
• Цэцэрлэг, 3 ээлжээр хичээллэж байгаа ерөнхий боловсролын сургуулийн байрны түрээсийн зардалд зориулж 10,000.0 сая төгрөгөөр Боловсролын сайдын урсгал зардлыг нэмэгдүүлэх, 
• Хавдар судлалын үндэсний төвийн барилгын их засварын санхүүжих дүнг 2,881.4 сая төгрөгөөр нэмэгдүүлэх саналууд дэмжигдсэн байна.  

Төсвийн таналтаар сургууль, цэцэрлэг, дотуур байрны хүүхдийн хоолны материал худалдан авах зардлыг 10 хувиар бууруулах гэж байсан. Үүнийг нэр бүхий гишүүд эсэргүүцсэнээр танах байсан зардлыг буцаан нэмэгдүүлэхээр болжээ.