Улаанбурханы дархлаажуулалтад 370 мянган хүүхэд хамрагдана
Улаанбурханы нэмэлт дархлаажуулалтыг энэ сарын 15-25-ны хооронд хийхээр боллоо.
Өнөөдрийн байдлаар Нийслэл болон 14 аймагт Улаанбурхан өвчний сэжигтэй 2,974 тохиолдол, үүнээс лабораториор батлагдсан 388 тохиолдлыг бүртгээд байна.
Энэ долоо хоногт Улаанбурханы эсрэг вакциныг хуваарийн дагуу орон нутагт хүргүүлж, нэмэлт дархлаажуулалтыг зохион байгуулах бэлтгэл ажлыг хангах сургалтууд эхэлсэн.
Улсын хэмжээнд энэ сарын 15-25-ны хооронд 6 сартайгаас 5 нас 11 сар хүртэлх насны бүх хүүхдэд улаанбурханы нэмэлт дархлаажуулалт зохион байгуулахаар төлөвлөж байна. Нэмэлт дархлаажуулалтад 370 мянга орчим хүүхэд хамрагдах аж.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
