Цагдаагийн биед халдсан хэрэг гарлаа

Сүхбаатар дүүргийн нутаг дэвсгэрт албан үүргээ гүйцэтгэж явсан цагдаа­гийн биед халдсан хэрэг гарчээ. 

Тодруулбал, Зуун айлын замын уулзварт жолооч Б дугаарын хязгаарлалтад ор­сон автомашинаар замын хөдөлгөөнд оролцсон аж.

Тиймээс замын цагдаа зогсоож шаардлага тавихад жолооч Б эсэргүүцэж, биед нь халдаж, дү­рэмт хувцасыг нь урж тан­хайрсан байна.

Энэ та­лаар хэргийг үйлдэгч иргэн Б нь “Хоёр долоо хо­ногийн өмнө 100 айлын уулзвар дээр Замын цагдаа намайг зогсоосон. Эхнэр хүүхдээ эмнэлэгт үзүүлэх гээд яарч явсан болохоор дугаар явдаггүй өдөр гарч ирээд зогсохгүй үнэмлэхээ мартсан байсан. Ингээд үнэмлэх байхгүйгээ цагдаад учирлаж хэлээд иргэний үнэмлэхээ үзүүлж, ухаалаг төхөө­рөмжөөрөө намайг энэ машины эзэн мөн эсэхийг шалгачих гэж хэлсэн.

Гэвч цагдаа дугаар явдаггүй өдөр үнэмлэхгүй хөдөлгөөнд оролцлоо гээд машиныг маань журамлана гэсэн. Тухайн үед би бухимдаж уг цагдааг заамдаж “Эн­гэрээс нь татаж” авсан. Гэвч хажуугаас өөр нэг залуу цагдаагийн биед халд­лаа гээд намайг татаж унагаасан. Иймэрхүү мар­гаан дэгдэж байтал дахин нэг цагдаа ирж асуудал нэлээд хүндэрсэн. 

Гэхдээ би өөрийнхөө бу­рууг хүлээж байна. Замын цагдаад ямар ч гомдолгүй. Ажил үүргээ биелүүлж явсан албан хаагчдын өөдөөс эсэргүүцэл үзүүлсэндээ ха­рамсч байна. Надад 230.1 дүгээр зүйл ангиар эрүүгийн хэрэг үүсгэсэн байгаа” гэв.

Уг хэргийг Сүхбаатар дүүргийн цагдаагийн II хэлтэс шалгаж байна.