Цалин, тэтгэврийг 2.5 дахин нэмэгдүүлнэ
Ирэх оны төсвийн төсөлд цалин, тэтгэврийг нэмэгдүүлэхээр 500 гаруй тэрбум төгрөг тусгасан байна. Энэ хэмжээний хөрөнгөөр цалин, тэтгэврийг 2.5 дахин нэмэгдүүлэх боломжтой гэж Сангийн яам үзэж байгаа аж.
Ингэснээр цалин, тэтгэврийн өсөлт нь инфляцийн өсөлтийг давж, цаана нь иргэдийн гар дээр дахиад боломжийн хэмжээний мөнгө үлдэх боломжтой гэж тооцоолжээ.
Мөн ирэх оны төсвийн төсөлд орон нутгийн төсвийн эрх мэдлийг нэмэгдүүлж буй бөгөөд орон нутагт хуваарилах төсвийн хэмжээ энэ оныхоос 2.5 дахин нэмэгдэж байгаа талаар Сангийн яамнаас тооцоолжээ.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
