Амиа алдсан борлуулагч залуугийн машиныг олсон гэв
АПУ компанийн гэрээт борлуулагч, “Ариун алтан тэвш” компанийн ажилтан Б.Алтанхуягийг эрэн хайх ажиллагаа 10 гаруй хоног үргэлжилсэн.
Улмаар өнгөрсөн мягмар гарагийн 17:00 цагийн үед цагдаагийнхан Налайхын уурхайгаас нэгэн цогцос олсон бөгөөд Б.Алтанхуягтай төстэй байсан тул ар гэрийнхэнд нь таниулах ажиллагаа явуулжээ.
Гэтэл хувцас, хэрэглэл нь таарсан юм. Одоогоор шүүх эмнэлгийн албан ёсны дүгнэлт гараагүй байгаа.
Түүний цогцосыг Налайхын ашиглахаа байсан 15 метрийн гүний уурхайгаас олсон ч унаж явсан “УНК 2983” улсын дугаартай ачааны микро автобусыг олоогүй байсан юм. Тэгвэл өчигдөр шөнө Төв аймгийн Зуунмод хотоос олсон гэнэ.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
