3600 цагдаагийн албан хаагч өндөржүүлсэн бэлэн байдалд ажиллана

Их Монгол Улс байгуулагдсаны 808 жил, Ардын хувьсгалын 93 жилийн ой, Үндэсний их баяр наадмаар иргэдийн амгалан байван байдлыг хангах, гэмт хэрэг зөрчлөөс урьдчилан сэргийлэх, баяр наадмын хэвийн үйл ажиллагаа, наадамчин олны аюулгүй байдлыг хангах зорилгоор Улаанбаатар цэргийн хүрээний 3600 гаруй цагдаагийн албан хаагч өндөржүүлсэн бэлэн байдалд ажиллана.

Үүнээс:

• Төв цэнгэлдэх хүрээлэнд 31 байгууллагын 1532 албан хаагч
• Хүй долоон худагт 29 байгууллагын 1462 албан хаагч 
• Их нас, соёолон насны хурдан морины уралдааны үед Хууль сахиулах их сургуулийн 400 сонсогч хүч нэмэгдүүлж ажиллана.

Мөн гэмт хэрэг зөрчил, гомдол мэдээллийг шуурхай шалгаж, иргэдэд туслах, үйлчлэх зорилгоор Хүй долоон худаг болон, Төв цэнгэлдэх хүрээлэнгийн ойролцоо 24 цагийн ажиллагаатай постуудыг ажиллуулах юм байна.

Өндөржүүлсэн бэлэн байдлын хоёрдугаар зэрэглэл энэ сарын 09-16-ныг хүртэл үргэлжлэх ажээ.