Жүжигчин Г.Ундармаа хөл нь газар хүрэхгүй баярлаж явна
Монголын хошин урлагийн салбарт өөрийн гэсэн байр сууриа хэдийнэ олсон жүжигчин, Соёлын тэргүүний ажилтан Г.Ундармаа тайзан дээр гарахаасаа илүүтэй хүмүүнлэгийн үйлсэд хамаг л цаг заваа зориулж яваа билээ.
Тэрбээр “Итгэлийн танхим” төслийнхөө хүрээнд эмнэлгүүдийн хүлээлгийн танхимыг шинэлэг өнгө төрхтэй болгон тохижуулж байгаа юм. Тодруулбал Эх хүүхдийн эрүүл мэндийн үндэсний төвийн “Хүүхдийн зөвлөх Поликлиник”-ийн хүлээлгийн танхимыг засаж тохижуулах “Итгэлийн танхим-Хүүхдүүдэд” ажил нь 80 гаруй хувьтай явагдаж байгаа аж.
Тэгвэл жүжигчин бүсгүй саяхан өөрийн цахим хуудаснаа “Миний сайхан сэтгэлийн хариуд “Сарнайх гоёлын студи”-ийн хамт олон гурван сая төгрөг хандивласан.
Түүнчлэн “Goo Bayan Health” компанийн гурван найз бүсгүй уг төсөлд 10 сая төгрөг хандивлалаа. Тэгсэн чинь саяхан Итгэлийн танхимаар үйлчлүүлэх хүүхдүүдэд зориулж Америкаас хүүхдүүдийн эрүүл мэндэд хор нөлөөгүй, сэтгэхүйг хөгжүүлэх олон гоё тоглоомуудыг ирүүллээ” гэжээ.
Сайхан сэтгэлийн үзүүрт сүү гэж үг бий. Ямартай ч хошин урлагийн авьяаслаг, чадварлаг бүсгүйчүүдийн нэг жүжигчин, Соёлын тэргүүний ажилтан Г.Ундармаа хөл нь газар хүрэхгүй баяртай яваа гэнэ.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
