ХУУЧИРСАН МЭДЭЭ: 2014/02/18-НД НИЙТЛЭГДСЭН
Д.Энхсайхан, П.Цогтбаатар нар санамж бичиг үзэглэлээ
iKon.MN
"Нийтийн үйлчилгээний Улаанбаатар нэгтгэл" ОНӨААТҮГ-ын Гүйцэтгэх захирал Д.Энхсайхан, "Монгол наадам цогцолбор" ОНӨТҮГ-ын дарга П.Цогтбаатар нар өнөөдөр хамтран ажиллах санамж бичигт гарын үсэг зурлаа.
Ингэснээр Хүй долоон худаг дахь Олон нийтийн арга хэмжээ, Олон улсын чанартай тэмцээн уралдаан, Улсын их баяр наадам зэрэг үйл ажиллагааны зохион байгуулалтын бэлтгэл ажилд хамтран ажиллана.
Тодруулбал,
- Ногоон байгууламжийн арчлалт, хамгаалалт, усалгаа
- Үерийн хамгаалалтын далан суваг
- Барилга байгууламжийн засвар, арчлалт, цэвэрлэгээ
- Авто замын борооны ус зайлуулах шугам болон хөрсний ус зайлуулах барилга байгууламж, засвар үйлчилгээ
- Хог хаягдлын нэгдсэн тээвэрлэлт, ачилт, хамтын удирдлага зэргийг Нийтийн үйлчилгээний Улаанбаатар нэгтгэл хариуцан ажиллахаар боллоо.
Анхааруулга
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
