Хөвсгөлд болох "Мөсний баяр"-ыг цуцаллаа
Хөвсгөл аймгийн Засаг дарга энэ сарын 4-нд А/36 тоот захирамж гаргаж, тус аймагт болох байсан "Мөсний баяр"-ын арга хэмжээг цуцалжээ.
Учир нь баяр зохион байгуулах комисс өнгөрсөн сарын 21-ний өдөр баяр болох газрын ойр орчим, тээврийн хэрэгслүүд зорчих мөсөн замын таван цэгт хэмжилт хийхэд, мөс 57-74 см-ийн зузаантай байсан аж. Энэ нь өмнөх жилийн мөсний зузаанаас даруй 30-40 см нимгэн бөгөөд няцралт, цууралт ч их байсан байна.
Иймд энэ сарын сүүлчээр болох байсан 15 дахь удаагийн "Мөсний баяр"-ыг ийнхүү цуцаллаа.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
