Английн "Арсенал" баг 22 жилийн дараа лигийн аварга боллоо
Английн "Арсенал" клуб 22 жил хүлээсний эцэст Премьер лигийн аварга боллоо.
Премьер лигийн 37 дугаар тойргийн хүрээнд өнгөрсөн шөнө "Манчестер Сити" клуб "Борнмут"-тай 1:1-ээр эвийн гэрээ байгуулснаар Микель Артетагийн шавь нар улирал дуусахаас нэг тойргийн өмнө аваргын цом гардах болзлоо хангав.
Ингэснээр тэд 2003-2004 оны улирлаас хойш анх удаа лигийн аварга болж байна. Арсен Уэнгерийн удирдлага дор нэг ч хожигдолгүй түрүүлснээр Английн лигийн аваргаар 14 дэх удаагаа тодорсноос хойш 22 жил амжилтаа давтаж чадаагүй юм.
Сонирхуулахад тус лигийн аваргаар хамгийн олон удаа буюу 20 цом өргөсөн хоёр баг бий. "Манчестер Юнайтед" болон "Ливерпүүл" баг уг амжилтаараа тэргүүлдэг бол тэдний араас 14 цомтой "Арсенал" бичигдэж байна.
Өдгөө 44 настай М.Артета лигийн аварга болсон тус багийн хамгийн залуу менежер болжээ.
Эх сурвалж: Reuters
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
