Ойрх Дорнодын бүсэд байнга оршин суудаг 350 гаруй монгол иргэн эх орондоо ирэх хүсэлт гаргаагүй байна
Ойрх Дорнодын бүсэд байгаа Монгол иргэдийн талаарх мэдээллийг Гадаад харилцааны яамны Төрийн нарийн бичгийн дарга Л.Мөнхтүшиг өглөө.
Тэрбээр “Бид хоёрдугаар сарын 28-наас иргэдтэйгээ холбогдож эхэлсэн. Түр хугацаагаар, аялал жуулчлалын шугамаар тус бүсэд зорчиж байсан иргэдээ бүртгэлжүүлж, 91 иргэнийг авчирсан.
Тэнд байнга оршин суудаг 350 гаруй иргэн байна. Тэдгээр иргэд нөхцөл байдлаа өөрсдөө дүгнээд тэндээ байхаар шийдсэн. Одоогоор эх орон руугаа буцъя гэсэн иргэн байхгүй байна.
91 иргэнээ авчирснаас хойш Израиль болон Иранд байсан хоёр иргэнийг Истанбулаар дамжуулаад авчирсан" гэв.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
