Жирэмсний үед зайлшгүй өгөх шинжилгээнүүд

Жирэмсэн болсноо мэдсэн тэр үеэс эхлэн оршин суугаа харьяа хорооны өрхийн эмнэлэгт бүртгүүлэн өрхийн эмчийн хяналтанд орох хэрэгтэй. Өрхийн эмч Танд жирэмсний карт нээн тогтмол үзлэг хийж, картан дээр тэмдэглэж байх учиртай.

Үүнд:

• Эхийн биеийн ерөнхий эрүүл мэнд
• Ургийн зүрхний цохилт
• Эхийн биеийн жин 
•  Бэлхүүсний тойрог, хэвлийн урт
• Эхийн даралт, зүрхний цохилт зэргийг тогтмол байнга шалгана.

Түүнчлэн бие давхар эмэгтэй Та жирэмсний таван сартайд, төрөхийн өмнөх гэсэн хоёр удаагийн нэгдсэн үзлэг, шинжилгээнүүдийг заавал өгөх хэрэгтэй. Тухайлбал,

• Амны хөндий
• ЭХО үзлэг
• Сүрьеэгийн үзлэг/ цээжний рентгэн зураг авхуулах/
• ДОХ-ын шинжилгээ
• Шээсний ерөнхий шинжилгээ
• Цусны ерөнхий шинжилгээ, өндөгний цусны шинжилгээ
• Дотор эрхтэний үзлэг
• Нүдний үзлэг
• Чих, хамар,  хоолой
• Саахарын шинжилгээ  гэх зэрэг  үзлэг шинжилгээнүүдийг харьяа дүүргийн эмнэлэгтээ өгнө.

Үзлэгийг харъяа дүүргийн эмнэлэгт хийлгэснээр та нийгмийн халамжийн тэтгэмжүүдэд хамрагдах давуу талтай юм.

Мэдээллийн эх сурвалж: Нэгдүгээр төрөх эмнэлэг ОНХА