"Х.Нямбаатарыг огцрохыг шаардаж энэ амралтын өдрүүдээр бүх тээврийн хэрэгслийг аваараа асааж эсэргүүцлээ илэрхийлэхийг уриалж байна"
“Нямбаатарыг огцруулъя, аваараа асаа хөдөлгөөн”-өөс өнөөдөр мэдээлэл хийлээ.
Тус хөдөлгөөний зүгээс хотын дарга Х.Нямбаатарыг огцрохыг шаардаж энэ амралтын өдрүүдээр буюу зургаадугаар сары 28-29-ны өдрүүдэд замын хөдөлгөөнд оролцож байгаа бүх тээврийн хэрэгслийг аваараа асааж эсэргүүцлээ илэрхийлэхийг уриалж байгаа юм байна. Түүнчлэн хотын дарга яагаад огцрох ёстой талаар мэдээлэл хийж ажиллана гэв.
Тус хөдөлгөөний гишүүд "Ажил хийж байгаа нэрээр Улаанбаатар хотод амьдарч байгаа иргэдийн амьдралаар тоглож байна. Брожур, эвдрэлгүй байгаа замыг хуулах нь нэн чухал ажил юм уу?
Өмнө нь хотын даргыг огцруулах жагсаал хийхээр болсон ч дүүргээс зөвшөөрөл өгөөгүй. Сүхбаатарын талбай дээр зай завсаргүй үйл ажиллагаа болсон. Түүнчлэн эрүүгийн гэмт хэрэгтнүүд жагсаал цуглаан хийж буй залуучуудыг айлган сүрдүүлж байгаа тухай тагнуулын байгууллагад хандсан ч шалгахгүй байна" гэв.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
