Жил бүр амьтдын улмаас ойролцоогоор 1.5 сая хүн амь насаа алддаг. Үүнээс ойролцоогоор 1 сая нь бусад амьтдын нөлөөгөөр, харин үлдсэн хагас сая гаруй нь хүмүүс хоорондын шууд мөргөлдөөнөөс үүдэлтэй байдаг. Бусад амьтдын нөлөөгөөр гарч буй эдгээр нас баралтын дийлэнх хувийг ердөө хоёр төрлийн амьтан буюу шумуул болон могой эзэлж байна.

Доорх графикт янз бүрийн амьтдын улмаас жил бүр хэдэн хүн амь насаа алддаг талаарх ойролцоолсон тоон мэдээллийг нэгтгэн харууллаа. 

 

Эдгээр тоонууд нь баримжаа тооцоолол бөгөөд зарим нь тодорхой бус байх талтай. Хэдийгээр ийм тодорхой бус байдал байгаа ч өөр өөр амьтдын хор хөнөөлийн далайц, харьцангуй эрэмбэ нь үнэн зөв гэдэгт бид итгэлтэй байна.

Хамгийн том "алуурчид" бол шумуул

Хамгийн их үхэл дагуулдаг амьтан бол гарцаагүй шумуул юм. Тэд хэдэн мянган жилийн турш хүн төрөлхтний хамгийн том аюулын нэг байсаар ирсэн бөгөөд одоо ч жил бүр ойролцоогоор 760,000 хүний аминд хүрч байна. Эдгээр нас баралтын 80 гаруй хувь нь Anopheles төрлийн шумуулаар дамждаг хумхаа өвчний үр дагавар юм. Хумхаа өвчин одоог хүртэл жил бүр хагас сая орчим хүүхдийн аминд хүрсээр байна.

Хоёр дахь том аюул могой

Могой бол хүмүүсийн хамгийн түгээмэл айдас бөгөөд үүнд тодорхой шалтгаан бий. Тэд жагсаалтын хоёрдугаарт бичигдэж байна. Хортой могойд хатгуулж нас барсан хүмүүсийн тоо нэлээд тодорхойгүй байдаг нь эдгээр тохиолдлын ихэнх нь бүртгэл сул хөдөө орон нутагт гардагтай холбоотой. Гэсэн хэдий ч энэ тоо жил бүр ойролцоогоор 100,000 байх магадлалтай. Энэ нь могойнууд жагсаалтын өөрөөс нь доор байгаа бүх амьтдыг нийлүүлснээс ч илүү олон хүний аминд хүрдэг гэсэн үг юм.

Бусад амьтад

Үлдсэн нас баралтын ихэнхийг нохой эзэлдэг. Хүмүүсийн хамгийн ойр дотно тэжээвэр амьтан болох нохойноос үүдэлтэй нас баралт ихэнхдээ шууд дайралтаас биш, харин Rabies буюу галзуу өвчнөөс болдог.

Жагсаалтын хамгийн доод хэсэгт бидний айдсын кино, мэдээний гарчигт байнга гардаг амьтад ордог. Жишээлбэл:

• Аварга загас
• Саарал чоно

Эдгээр амьтад бодит амьдрал дээр маш ховор хүн рүү дайрдаг.

Эх сурвалж: ourworldindata.org