Өнгөрсөн оны байдлаар манай улсад 1,541 спорт заал бүртгэгджээ
Биеийн тамир, спортын улсын хорооны хурлын танхимд өнөөдөр "Биеийн тамир, спортын улсын үзлэг тооллого-2024"-ын тайланг тархаах хурал болов. Биеийн тамир, спортын улсын үзлэг тооллогыг хоёр дахь удаагаа зохион байгуулж буй юм. Өмнө нь 2007 онд улсын үзлэг тооллого хийж байжээ.
Тооллогыг 2024 оны есдүгээр сарын 15-наас 2024 оны арванхоёрдугаар сарын 10-ны өдрийн хугацаанд зохион байгуулахдаа спорт заал, спортын гадаа талбай, спортын клуб гэсэн үндсэн гурван бүлэгт ангилсан байна.
Үүгээр Монгол улсад нийт
- 1,541 спортын заал бүртгэгдсэн байна. Энэ нь 2017 оны тооллогын дүнтэй харьцуулахад 556 спорт заал нэмэгдсэн гэсэн үг. Үүний 842 нь орон нутагт, 699 нь Улаанбаатар хотод тоологдлоо. Эдгээрийн 921 нь засвар үйлчилгээ хийгджээ. Харин 620 нь засвар үйлчилгээ хийгдээгүй байна.
- Мөн манай улсад сүүлийн нэг жилийн хугацаанд 7,145 спортын холбоо болон клубийн үйл ажиллагаа зохион байгуулагджээ. Үүний 3,272 нь нийслэл Улаанбаатар хотод, 981 нь баруун бүсийн аймгуудад, 1,131 нь хангайн бүсийн аймгуудад, 1,213 нь төвийн бүсийн аймгуудад, 548 нь зүүн бүсийн аймгуудад бүртгэгджээ.
- Энэ удаагийн үзлэг тооллогоор спортын клубүүдийг анх удаа хамруулсан нь байна. Улсын хэмжээнд 2024 оны байдлаар нийт 864 спортын клуб үйл ажиллагаа явуулж байна гэсэн тоо гарсан. Тэдгээрийн 490 нь Улаанбаатар хотод, 374 нь орон нутагт тоологдсон байна.
Тооллогод хамрагдсан биеийн тамир, спортын клубийг үйл ажиллагааны чиглэлээр нь харахад 454 нь идэвхттэй дасгал хөдөлгөөн, спортоор хичээллүүлэх, 154 нь сургалт, дасгалжуулалт явуулдаг. Харин 256 нь дээрх хоёр чиглэлээр хоёулангаар нь үйл ажиллагаа эрхэлдэг гэсэн үр дүн гарчээ.
Тэгвэл спортын клубүүдийн явуулж буй үйл ажиллагааны төрлөөр орлогын байдлыг нь авч үзвэл сагсан бөмбөгийн чиглэлээр үйл ажиллагаа явуулдаг буй клубүүд хамгийн өндөр орлоготой байлаа.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
