Улаанбаатар марафонд 46,306 хүн оролцохоор бүртгүүлжээ
Нийслэлийн Засаг даргын 2026 оны А/396 дугаар захирамжаар “Улаанбаатар марафон-2026” олон улсын гүйлтийг тавдугаар сарын 23-ны өдөр нийслэл хотод 11 дэх удаагаа зохион байгуулна.
Марафонд гүйх иргэдийг www.ulaanbaatar.marathon.mn цахим хуудсаар тавдугаар сарын 1-ний 17:00 цаг хүртэл бүртгэсэн.
“Улаанбаатар марафон-2026”-д 46,306 хүн бүртгүүллээ гэж Нийслэлийн Засаг даргын Тамгын газрын Хэвлэл мэдээллийн албанаас мэдээлэв.
Иргэдийн хүсэн хүлээдэг арга хэмжээний нэг болоод буй уг марафоны төрөл нь
- Бүтэн марафон - 42 км 195м
- Хагас марафон - 21 км 095м
- Спорт гүйлт - 10 км
- Эрүүл мэндийн гүйлт - 5 км
- Гэр бүлийн гүйлт - 1.5 км байх юм.
Ташрамд дурдахад тухайн гүйлт зохион байгуулах бүсийг өдрийг автомашингүй болгодог билээ. Өнгөрсөн жилийн марафонд 30 орчим мянган хүн оролцсон тоо бий.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
