Засгийн газрын энэ сарын 6-ны өдрийн хуралдаанаар Хөгжлийн Бэрхшээлтэй Хүний Хөгжлийн Ерөнхий Газрын даргаар Д.Гэрэлийг томилжээ.

Тэрбээр өнөөдөр ажлаа хүлээн авсныг Гэр Бүл, Хөдөлмөр, Нийгмийн Хамгааллын Яамнаас мэдээллээ.

Д.Гэрэл нь эрх зүйч мэргэжилтэй, АНУ-ын Нотре Дамын хуулийн сургуульд Олон улсын хүний эрхийн магистрын зэрэг хамгаалсан.

 

Ажлын туршлага

• 2006 оноос өмгөөлөгч
• 2005-2006 онд Тээврийн хөгжлийн банканд хуулийн зөвлөх
• 2006-2013 онд “Монголын хараагүйчүүдийн Үндэсний Холбоо” ТББ-ын гүйцэтгэх захирал
• 2008-2012 онд ДАНИДА- гийн санхүүжилтээр Данийн хараагүйчүүдийн нийгэмлэгээс хэрэгжүүлсэн чадавхжуулах төслийн зохицуулагч
• 2013-2021 онд “Монголын Хараагүйчүүдийн Үндэсний Холбоо” ТББ-ын ерөнхийлөгч
• 2023 оноос одоог хүртэл Монголын Хөгжлийн бэрхшээлтэй иргэдийн форумын ерөнхий зохицуулагч
• 2021 оноос Хөгжлийн бэрхшээл, бодлогын судалгаа хөгжлийн төвийн захирлаар тус тус ажиллаж байсан.

Хөгжлийн бэрхшээлтэй иргэдийн эрхийг хамгаалах чиглэлээр ажилласан туршлага

• 2013-2017 онд Дэлхийн хараагүйчүүдийн холбооны Зүүн хойд Азийн бүсийн дарга
• 2013-2017 онд Хүн амын хөгжил нийгмийн хамгааллын яамны бодлогын зөвлөлийн гишүүн
• 2020 оноос НҮБ-ын Хөгжлийн Бэрхшээлтэй Иргэдийн Эрхийн Конвенцын 27-р зүйлийн тайлбар боловсруулах ажлын хэсгийн гишүүн
• 2021 оноос НҮБ-ын Хөгжлийн бэрхшээлтэй иргэдийн эрхийг хамгаалах хороо (Committee on the Rights of Persons with Disabilities)-ны гишүүн
• 2023 оноос Хөгжлийн бэрхшээлтэй иргэдийн бие даасан амьдралын тухай хуулийн төсөл боловсруулах ажлын хэсгийн гишүүн
• 2023 оноос Хөгжлийн бэрхшээлтэй хүний эрхийг хангах зөвлөлийн дэд дарга
• 2023 оноос Гэр бүл, хөдөлмөр, нийгмийн хамгааллын сайдын орон тооны бус зөвлөхөөр ажиллаж байна.

Д.Гэрэл нь Хөгжлийн бэрхшээлтэй иргэдийн эрхийг хамгаалах, хөгжүүлэх чиглэлд идэвхтэй ажиллан шийдвэр гаргах түвшинд олон санал санаачилгыг нэвтрүүлсэн мэдлэг туршлагатай боловсон хүчин юм.

Эх сурвалж: Гэр Бүл, Хөдөлмөр, Нийгмийн Хамгааллын Яам