Шинэ авьяастай болгодог эм зохион бүтээжээ
Хүүхэд байхад бидний тархи шинэ мэдлэг, мэдээллийг маш сайн хүлээн авдаг. Харин нас ахих тусам энэ чадвар буурдаг.
Тэгвэл нас биед хүрснийхээ дараа ч хүүхэд байх үеийнх шигээ түргэн сурах аргыг Харвардын молекул, эсийн биологийн профессор Такао Хенши судалж үзжээ.
Тэрбээр насанд хүрэгсдийг долоон настнууд шиг л сурдаг болгодог эм зохион бүтээсэн байна. Эмийн гол найрлагад вальпроевын хүчил ордог бөгөөд сэтгэл санааг тогтворжуулж, тархины уян хатан чанарыг сайжруулдаг гэнэ.
Хенши шинэ туршилтдаа 18-27 насны, хүүхэд байхаасаа л хөгжмийн авьяасгүй байсан эрчүүдийг хамруулжээ. Ингээд эмээ уулгасны дараа сонсголын онлайн дасгал хийлгэж, хоёр долоо хоногийн дараа дууны өнгө ялгуулж үзжээ.
Гэтэл тэд үе тэнгийнхнээсээ хурдан хөгжмийн анхан шатны боловсрол эзэмшсэн аж.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
