• 1 сарын 14, Мягмар
|
Уншиж байна ...
Зураг
Зураг

"Зарласан хугацаанд цэргийн бүртгэлд хамрагдаагүй иргэнийг 100,000 төгрөгөөр торгох хуулийн зохицуулалттай"

Д.Янжиндулам, ikon.mn
Өнөөдөр 12 цаг 02 минут
iKon.MN
Зураг зураг

Монгол Улсын иргэн 18-50 насны цэргийн үүрэгтнүүд, 65 хүртэлх насны бэлтгэл офицерууд, цэргийн бүртгэлтэй мэргэжил эзэмшсэн эмэгтэйчүүд жилд нэг удаа бүртгэлд хамрагдах үүрэгтэй байдаг.

Нийслэлийн хэмжээнд эдгээр иргэдийн бүртгэл үргэлжилж байгаа бөгөөд нэгдүгээр сарын 22-ны өдөр дуусна. Зарласан хугацаанд цэргийн бүртгэлд хамрагдаагүй иргэнийг Зөрчлийн тухай хуулийн 15.17 дугаар зүйлийн 3 дахь заасны дагуу 100 нэгжтэй тэнцэх хэмжээний буюу 100,000 төгрөгөөр торгодгийг Нийслэлийн Цэргийн Штабаас санууллаа. Бүртгэл ажлын өдрүүдэд 08:00-17:00, Бямба, Ням гарагт 09:00-16:00 цагийн хооронд явагдана.

Цэргийн үүрэгтний үнэмлэх аваагүй 18 хүртэлх насныхан харьяа баг, хороон дээрээ өөрийн биеэр очиж бүртгүүлэх шаардлагатай. Харин цэргийн үүрэгтний үнэмлэхээ үрэгдүүлсэн бол аймаг, дүүргийн цэргийн штабт өөрийн биеэр хандана.

Шилжилт хөдөлгөөн хийсэн иргэд оршин суугаа аймаг, дүүргийнхээ цэргийн штабт бүртгэлээ хийлгэж, баталгаажуулах юм.

Онлайнаар буюу “E-Mongolia”-г ашиглаж бүртгүүлэн “мэдэгдэл” цэсээс хариугаа харах боломжтой.

Иргэд өөрийн биеэр болон гэр бүлийн гишүүн нь цэргийн бүртгэлд бүртгүүлэх бол иргэний үнэмлэх, цэргийн үүрэгтний үнэмлэхийг харьяа баг, хороон дээрээ авч очно.