"Явган хүний зам халтиргаатай байвал 310005 дугаарт мэдээлээрэй"

Нийслэлд 2025 оны нэгдүгээр сарын 12-13-нд шилжих шөнө орсон бага зэргийн цасыг цэвэрлэх ажилд “Хот тохижилтын газар” ОНӨААТҮГ болон дүүргүүдийн Тохижилт үйлчилгээний 35 байгууллагын 1,200 гаруй хүн, 120 гаруй тусгай зориулалтын техник хэрэгслээр хотын гол болон туслах зам, хотоос алслагдсан замуудад халтиргаа гулгаа үүсэхээс сэргийлэн ажиллаж, тусгай зориулалтын 37 тонн бодис, 48 тонн давс тус тус зарцуулаад байна.

Цэвэрлэгээний ажил хуваарийн дагуу үргэлжлэн хийгдэнэ.

Улаанбаатар хотод өнөөдөр үдээс хойш цас орох тул халтиргаа гулгаанаас сэргийлж орчны 50 метр хүртэлх зам талбайгаа цэвэрлэж явган зорчиж буй иргэдийг аюулгүй байдлыг хангаж ажиллахыг аж ахуйн нэгж, байгууллагуудад уриалъя.

Иргэд өөрсдийн зорчдог явган замаа халтиргаатай байвал 11-310005 дугаарт холбогдож, мэдээлэл өгч хамтран ажиллана уу гэж УБЗАА-наас мэдээллээ.