2024 оны арваннэгдүгээр сард инфляц улсын хэмжээнд 8.1 хувьтай гарлаа
Улсын хэмжээнд инфляц 2024 оны арваннэгдүгээр сард 8.1 хувьтай гарсныг Үндэсний Статистикийн Хороо(ҮСХ)-ноос танилцуулав.
Энэ нь өмнөх оны мөн үеэс хэрэглээний бараа үйлчилгээний үнэ 8.1 хувиар өссөн байгааг илтгэж буй юм.
Ийнхүү инфляц өсөхөд бензин, түлшнээс бусад импортын барааны үнэ 2.5 нэгж хувиар (31.6%), мах, хатуу түлшнээс бусад дотоодын барааны үнэ 4. 5 нэгж хувиар (55.4%) тус тус нөлөөлсөн гэжээ.
Зураг, улсын жилийн инфляцын бүтээгдэхүүн, нэгж хувиар, сараар
Ойрын саруудад хэрэглээний бараа үйлчилгээний үнэ буюу инфляц нэмэгдсээр байна. Тодруулбал энэ оны зургаадугаар сараас хойш тасралтгүй өсөж буйг дээрх зураг илэрхийлж байгаа юм.
Түүнчлэн 2024 оны арваннэгдүгээр сард хэрэглээний бараа, үйлчилгээний үнэ өмнөх оны мөн үеэс 8.1 хувиар өсөхөд
- хүнсний бараа, ундаа, усны бүлгийн үнэ дүнгээрээ 7.4 хувь,
- хувцас, бөс бараа, гутлын бүлгийн үнэ дүнгээрээ 8.4 хувь, орон сууц, ус, цахилгаан, хийн болон бусад түлшний бүлгийн үнэ дүнгээрээ 22.1 хувь,
- гэр ахуйн тавилга, гэр ахуйн барааны бүлгийн үнэ дүнгээрээ 7 хувь,
- зочид буудал, нийтийн хоол, дотуур байрны үйлчилгээний бүлгийн үнэ дүнгээрээ 9.3 хувь,
- боловсролын үйлчилгээний бүлгийн үнэ дүнгээрээ 18.6 хувиар тус тус өссөн нь голлон нөлөөлсөн байна.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглах хориотой ба зөвхөн зөвшилцсөн тохиолдолд эх сурвалжийг (ikon.mn) дурдах замаар ашиглах ёстойг анхаарна уу!
