Монголын морин спорт, уяачдын холбооны ерөнхийлөгчөөр тод манлай уяач Д.Дагвадорж сонгогджээ

Гэрэл зургийг MPA агентлагийн онцгой зөвшөөрөлтэйгөөр ашиглав

Монголын Морин Спорт, Уяачдын Холбоо (ММСУХ)-ны наймдугаар их хурал “Уламжлалт-Шинэчлэл-Хариуцлага” уриатайгаар Төрийн ордонд өчигдөр зохион байгуулагдаж, ерөнхийлөгчөө сонгожээ.

Тус их хуралд оролцсон нийт 485 гишүүдээс 318 хүний санал буюу 65 хувиар тод манлай уяач Д.Дагвадорж ММСУХ-ны ерөнхийлөгчөөр сонгогдсон байна. 

Дашзэгвэ овогтой Дагвадоржийн намтар:

• 1957 оны нэгдүгээр сарын 11-нд Завхан аймгийн Яруу суманд төрсөн.
• 1967-1977 онд Завхан аймгийн 1-р арван жилийн сургууль,
• 1977-1984 онд ОХУ-ын Эрхүү хотын Политехникийн Дээд Сургуулийг Барилгын Инженерийн мэргэжлээр төгссөн.
• 1999 онд Монгол Улсын Техникийн Их Сургуулийг Техникийн ухааны Магистраар төгссөн.
• 1984-1985 онуудад Сантехникийн үйлдвэрт цехийн дарга,
• 1985-1987 онуудад Төмөр хийцийн үйлдвэрт цехийн дарга,
• 1987-1992 онуудад "Дионес" ХХК -ийн орлогч дарга, дарга,
• 1992-1999 онуудад "Өгөөж" ХХК-ийн ерөнхий захирал,
• 1999-2004 онуудад 22-р автобаазын ТУЗ-ийн дарга,
• 2005-2020 онуудад "Таван Толгой Транс" ХХК-ийн ерөнхий захирал
• 2020 оноос одоог хүртэл "Тэргэннүүр" ХХК-ийн ТУЗ-ийн даргаар тус тус ажиллаж байна.

Гавьяа, шагнал:

• Монголын Залуучуудын Холбооны Тэргүүний Залуу Алтан медаль,
• Ардын Хувьсгалын 80, 90, 100 жилийн ойн медаль,
• Салбарын Тэргүүний Ажилтан,
• Уул уурхайн салбарын 100-н жилийн ойн медаль,
• Алтангадас одон,
• Хөдөлмөрийн гавьяаны улаан тугийн одонгоор тус тус шагнагдаж байсан.