Өнөөдөр Хэнтийн уулархаг нутаг, Халх голын сав газраар цасаар шуурч, говь, талын нутгаар явган шуургатай

Гэрэл зургийг MPA агентлагийн онцгой зөвшөөрөлтэйгөөр ашиглав

Өнөөдөр Хэнтийн уулархаг нутаг, Халх голын сав газраар цас орж, цасан шуурга шуурч, говь, талын нутгаар салхи, явган шуургатай хүйтэн байхыг Цаг уур, орчны шинжилгээний газраас мэдээллээ. 

Иймд замын халтиргаа гулгаанаас сэрэмжтэй байхыг анхааруулав. 

Улаанбаатар хотод өнөөдөр үүлэрхэг. Цас орно. Салхи баруун хойноос секундэд 6-11 метр. 0 градус орчим байна. 

Өнөө өглөөний цаг уурын станц, харуулын цасны зузааны мэдээгээр:

• Хамгийн их нь Баянхонгорын Гурванбулагт 22.0 см,
• Ховдын Дарвит 14.0 см,
• Сэлэнгийн Бугант, Хэнтийн Баян-Адрагад 12.0 см,
• Баян-Өлгийн Сагсай, Баянхонгорын Баянговь, Жаргалантад 11.0 см цасан бүрхүүлтэй байна.

 

Цаг уур, орчны шинжилгээний газар