"Таванбогд" ХХК-ийн ерөнхий захирал Ц.Баатарсайхан, эдийн засагч Б.Лакшми зэрэг есөн хүн МҮХАҮТ-ын ерөнхийлөгч болохоор өрсөлдөнө

Гэрэл зургийг MPA агентлагийн онцгой зөвшөөрөлтэйгөөр ашиглав

Монголын Үндэсний Худалдаа, Аж Үйлдвэрийн Танхим(МҮХАҮТ)-ын ээлжит бус XXII их хурал өнөөдөр буюу 2024 оны арваннэгдүгээр сарын 28-ны өдөр “Уран Ган-UG Palace Event Hall”-д эхэлж байна.

Энэ хурлаар МҮХАҮТ-ын ерөнхийлөгчийг нөхөн сонгоно. 

Одоогоор

1. Ш.Төмөрсүх “Дабльхилл” ХХК-ийн Ерөнхий захирал
2. Т.Дүүрэн “ОУХЛТөв” ХК-ийн ТУЗ-ийн гишүүн
3. Ц.Баатарсайхан “Таванбогд” ХХК-ийн Ерөнхий захирал
4. Ш.Отгон-Өлзий “Монгол брэнд холбоо” ТББ-ын тэргүүн
5. Б.Лхагважав  “Урбанек” ХХК-ийн Ерөнхий захирал
6. Б.Лакшми “Офис констракшн” ХХК-ийн хувьцаа эзэмшигч
7. Ц.Майдар “АСҮТ-Боломж” ХХК-ийн Ерөнхий захирал
8. Д.Бямбасайхан “Коёотэ” ХХК-ийн Ерөнхий захирал
9. Л.Төр-Од “Цахим байшин” ХХК-ийн ТУЗ-ийн гишүүн нар МҮХАҮТ-ын ерөнхийлөгчид нэр дэвшихээ илэрхийлээд байна.

XXII Их хуралд МҮХАҮТ-ын гишүүнчлэлтэй, ерөнхийлөгчийг сонгох мандатын эрхтэй 900 гаруй компани, аж ахуйн нэгжийн төлөөлөл оролцож, сонголтоо хийнэ.

МҮХАҮТ-ын ерөнхийлөгч нь танхимын Удирдах зөвлөлийн дарга байх бөгөөд Үндэсний танхимыг гадаад, дотоодод төлөөлөх, Удирдах зөвлөлөөс олгосон болон Дүрэмд заасан эрх хэмжээний хүрээнд танхимын үйл ажиллагааг удирдан чиглүүлэх, танхимын олон улсын хамтын ажиллагааг идэвхжүүлэх, УИХ, Засгийн газар, төрийн болоод төрийн бус байгууллагуудтай гишүүд, бизнес эрхлэгчдийн эрх ашгийг төлөөлөн хамгаалах асуудлаар хамтарч ажиллах үндсэн чиг үүрэгтэй байдаг.