Японы Элчин сайдын яамны соёл, мэдээллийн үйл ажиллагаанд нэг жилийн турш хамтран ажиллаж, Япон орны сэтгэл татам байдлыг нийтэд түгээн дамжуулах “Япон орныг сурталчлан таниулагч”-ийн сонгон шалгаруулалтын бүртгэл энэ сарын 30-нд дуусна.

Сонгон шалгаруулалтад тэнцсэн хүмүүс Монголд зохион байгуулагдах Японтой холбоотой арга хэмжээнд оролцохын зэрэгцээ 2025 оны хоёрдугаар сард Японы Гадаад Харилцааны Яам(ГХЯ)-наас тус улсын талаарх ойлголтыг нэмэгдүүлэх зорилгоор хэрэгжүүлдэг хүүхэд, залуучуудын солилцооны “JENESYS” хөтөлбөрт хамрагдах юм.

Шалгаруулалтын үйл явц:

• Эхний сонгон шалгаруулалтад тэнцэгсдийг зарлах өдөр: 2024 оны арванхоёрдугаар сарын 13-ны өдөр Японы ЭСЯ-ны цахим хуудас болон Facebook хуудсанд зөвхөн тэнцсэн хүний бүртгэлийн дугаарыг нийтэлнэ.
• Ярилцлагын шалгалтын өдөр: 2024 оны арванхоёрдугаар сарын 18-20-ны өдрүүд
• Ярилцлагын шалгалтын өдөр, цаг, газрыг эхний сонгон шалгаруулалтад тэнцсэн хүн тус бүрт и-мэйлээр мэдэгдэнэ. (Хөдөө орон нутаг зэрэг алслагдмал газар амьдарч буй хүмүүсийн хувьд онлайнаар ярилцлагын шалгалтыг авах боломжтой)
• Эцсийн сонгон шалгаруулалтын дүн: 2024 оны арванхоёрдугаар сарын 25-ны өдөр 

Мөн зарим нэг нөхцөл байдлаас хамааран дээрх хөтөлбөрт өөрчлөлт орж болзошгүйг Японы Элчин сайдын яамнаас мэдээллээ.

Шалгаруулах болзол: 

• 2025 оны хоёрдугаар сарын байдлаар 10 дугаар ангиас дээш 30 хүртэлх насны хүн байх
• Монгол Улсын иргэншилтэй, бүртгүүлэх үедээ Монголд амьдардаг байх. Сурагч, оюутнуудын хувьд Монголд суралцдаг байх
• Урьд өмнө Япон явж үзээгүй байх
• Энэхүү сурталчлан таниулах тогтолцооны агуулга, зорилгыг сайтар ойлгож, Монголд зохион байгуулах бүхий л үйл ажиллагаанд чин сэтгэлээсээ идэвхтэй оролцох хүн. Үүнд Японд аялахын өмнөх ба дараах уулзалт зэрэг багтана.

Дэлгэрэнгүй мэдээллийг энд дарж авна уу.