PMGC 2024: Манай улсын "4Merical Vibes" баг тавдугаар, "Stalwart Esports" аравдугаар байрт бичигдэж, "Survival" шат руу уналаа
Цахим спортын PUBG MOBILE тоглоомын дэлхийн аварга шалгаруулах тэмцээн (PMGC 2024)-ий лигийн шатанд гурван хэсэгт хуваагдсан 48 багийн тоглолтууд аравдугаар сарын 31-нээс энэ сарын 17 хүртэл Малайз улсад зохион байгуулагдаж дууслаа.
Нийт гурван сая ам.долларын шагналын сантай тус тэмцээнд манай улсаас "4Merical Vibes", "Falcons Force", "IHC Esports", "Stalwart Esports" гэсэн багууд оролцов.
"Ногоон" хэсэгт 24 тоглолт нийт дөрвөн өдрийн турш үргэлжилж "4Merical Vibes" баг 163 оноотойгоор тавдугаар, "Stalwart Esports" баг 119 оноотойгоор аравдугаар байрт шалгарч, "Survival Stage" руу уналаа.
Тус тэмцээний "Survival Stage"-д манай улсаас "4Merical Vibes", "Falcons Force", "Stalwart Esports" гурван баг оролцохоор болж байгаа юм. Хэрэв тэд энэ шатны 24 багаас эхний 16 байрт бичигдэж чадвал дэлхийн аваргын "Grand Finals"-д оролцох сүүлийн зургаан эрхийн төлөө тоглоно.
Гурван хэсгийн 4-11 дүгээр байрт бичигдсэн багуудын "Survival Stage"-ийн тоглолтууд энэ сарын 20-22-нд зохион байгуулагдана. Тойргийн журмаар тоглох бөгөөд нэг 12 тоглолт хийх юм.
Харин "Last Chance" шатны 16 багийн 12 тоглолт энэ сарын 23-24-нд зохион байгуулагдаж, эхний зургаан байрт бичигдсэн багууд Английн Лондон хотыг зорино.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглахдаа эх сурвалжаа (ikon.mn) заавал дурдах ёстойг анхаарна уу!
