"Хангарди цогцолбор зогсоолоор 14 чиглэлийн 134 автобус дамжин өнгөрч байна" гэв

Гэрэл зургийг MPA агентлагийн онцгой зөвшөөрөлтэйгөөр ашиглав

Нийслэлийн нутгийн захиргааны байгууллагууд Яармаг дахь барилгад шилжсэнтэй холбогдуулан Ч:79 “ТаЧи-Гурвалжингийн гүүр- Хангарди цогцолбор”, Ч:80 “ХӨСҮТ-Үндэсний цэцэрлэгт хүрээлэн-Хангарди цогцолбор”, Ч:81 “3,4-р хороолол-Нарны гүүр-Хангарди цогцолбор” чиглэлд өнгөрсөн дөрөвдүгээр сараас нийтийн тээврийн автобус явуулж эхлээд буй.

Өнөөдрийг хүртэл уг чиглэлийн автобусаар хэчнээн зорчигч үйлчлүүлснийг НТБГ-аас мэдээллээ.

Ч:79 “ТаЧи- Гурвалжингийн гүүр- Хангарьд цогцолбор” чиглэлд “Зорчигч тээвэр дөрөв” ОНӨААТҮГ ажлын өдөр зургаан тээврийн хэрэгслээр, амралтын өдөр таван тээврийн хэрэгслээр үйлчилгээ үзүүлж, өдөрт дунджаар 1,500 зорчигч үйлчлүүлдэг байна.

 

Ч:80 “ХӨСҮТ- Үндэсний цэцэрлэгт хүрээлэн- Яармагийн 1-р буудал” чиглэлд ажлын өдөр зургаан тээврийн хэрэгслээр, амралтын өдөр таван тээврийн хэрэгслээр явдаг бөгөөд өдөрт дунджаар 1,600 зорчигч үйлчлүүлдэг.

 

Ч:81 “3,4-р хороолол- Нарны гүүр- Хангарьд цогцолбор” чиглэлд ажлын өдөр зургаан тээврийн хэрэгслээр, амралтын өдөр таван тээврийн хэрэгслээр үйлчилгээ үзүүлдэг бол өдөрт дунджаар 1,900 зорчигч үйлчлүүлдэг аж.

 

Энэ сарын 8-наас нийтийн тээврийн автобусны “Яармагийн 1-р буудал” зогсоолыг “Хангарди цогцолбор” гэж нэрлэдэг болсон. Тус зогсоолоор дамжин нийт 14 чиглэлийн 134 тээврийн хэрэгсэл хотын төв, баруун, зүүн чиглэлд нийтийн тээврийн үйлчилгээг хүргэж байгаа юм байна.