Монгол хэл бичгийн шалгалт болон Элсэлтийн шалгалтын хугацаа дуусахад ес хоног үлдлээ
IKON.MN
Гэрэл зургийг MPA агентлагийн онцгой зөвшөөрөлтэйгөөр ашиглав
2024 оны шалгалтын бүртгэл дуусахад ес хоног үлдээд байгаа талаар Боловсролын үнэлгээний төвөөс мэдээллээ.
Монгол хэл бичгийн шалгалт болон Элсэлтийн шалгалтад eyesh.eec.mn цахим хуудсаар бүртгүүлэх боломжтой юм.
Бүртгэл 2024 оны 11 дүгээр сарын 10-ны орой 18:00 цагт дуусах ба бүртгэлийн хугацаа болон цагийг сунгахгүй, нэмэлт бүртгэл хийхгүй юм байна.
Шалгуулагч бүртгэлийн хугацаанд бүртгэлийн дугаар, нууц үгээ ашиглан eyesh.eec.mn цахим хуудасны “шалгуулагчийн булан”-аар дамжуулан шалгалт өгөх хичээлээ нэмж болох аж.
Анхааруулга
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглахдаа эх сурвалжаа (ikon.mn) заавал дурдах ёстойг анхаарна уу!
