ҮЙЛ ЯВДАЛ: "Монголын багш нарын холбоо"-ноос хэвлэлийн хурал зохион байгуулна

Монголын урчуудын эвлэлийн ARTZONE галерейд

"Соёлын бүтээлч сар 2024" аян тус галерейд “Эртний сайхан” соёл урлаг, спортын хамтарсан үзэсгэлэнгээр нээлтээ хийх гэж байна.

Төрийн ордонд 

10:00 цагт УИХ-ын чуулганы нэгдсэн хуралдаан болно. 

Чуулганы танхимын өмнөх индэр бүхий хэсэгт

11:00 цагт УИХ-ын гишүүн Д.Энхтүвшин ( Шарк) Төсвийн төсөлд оруулах зарчмын зөрүүтэй саналууд болон цаг үеийн бусад асуудлаар хэвлэлийн хурал хийнэ. 

Нийслэл дэх эрүү, иргэний хэргийн давж заалдах шатны шүүхийн байрны гадна

11:00 цагт УИХ-ын гишүүн Ч.Лодойсамбуу сэтгүүлч Н.Өнөрцэцэгийн шүүх хуралтай холбоотой асуудлаар мэдээлэл өгнө.

Спортын төв ордонд 

11:00 цагт "Биеийн тамир, спортын бүтээлч сар 2024" арга хэмжээний хүрээнд зохион байгуулагдах Монгол туургатан, үндэстэн, угсаатны шугаман бүжгийн их наадмын нээлтийн ёслол болно. 

“Үндэсний мэдээллийн төв”-д

11:30 цагт "Монголын багш нарын холбоо"-ноос хэвлэлийн хурал зохион байгуулна. 

Тэд 45 хоногийн сургалтаар багшлах эрх олгохын эрх зүйн үндэс болсон Боловсролын сайдын энэ оны есдүгээр сарын 2-ны өдрийн А/64 тоот тушаалаар баталсан Багшлах эрхийн гэрчилгээ олгох болон үүнтэй холбоотой журмыг хүчингүй болгох талаар нэхэмжлэл гаргаж, боловсролын харилцааны хууль эрх зүйн зохицуулалтыг нийтийн эрх ашигт нийцүүлэх талаар мэдээлнэ. 

12:00 цагт Төв аймгийн хууль бус ИТХ-ыг хүчингүй болгох үндэслэлийн талаар мэдээлэл хийнэ.