Монголын өсвөрийн даамчид гурван жил дараалан багаараа тэргүүллээ
Өсвөр, залуучуудын ДАШТ-ий үндсэн төрлийн медальтнууд тодорлоо. Тэмцээн дуусахаас нэг өргийн өмнө манай гурван тамирчин аваргалах болзлоо аль хэдийнээ хангаад байсан бол тэдэн дээр дахин нэг алтан медальтан нэмэгдлээ.
Тухайлбал 9-10 насны хөвгүүдийн төрөлд "Алтан хүү" клубийн тамирчин, спортын дэд мастер Бүдхандын Алтанхүү 15 оноогоор тэргүүн байр эзэлсэн юм.
Мөн З.Отгонсүрэн (14-16 нас, охид), Б.Алтан-Эрдэнэ (9 хүртэлх нас, хөвгүүд) нар мөнгө, Д.Ангараг (9-10 нас, хөвгүүд), Н.Түвшинбаяр (11-13 нас, хөвгүүд) нар хүрэл медаль хүртсэн байна.
Ингэснээр манай өсвөрийн даамчид гурван жил дараалан багийн дүнгээр тэргүүлэв.
Маргааш рапид буюу түргэвчилсэн тоглолтын медальтнууд тодрох юм.
Эх сурвалж: Нийслэлийн даамын холбоо
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглахдаа эх сурвалжаа (ikon.mn) заавал дурдах ёстойг анхаарна уу!
