Аймаг, нийслэл, сум, дүүргийн Иргэдийн Төлөөлөгчийн Хурал (ИТХ)-ын сонгуулийн санал хураалт өнөөдрийн 20:00 цаг хүртэл явагдана.
Үүнтэй холбогдуулан Сонгуулийн Ерөнхий Хороо (СЕХ)-оос сонгогчдын ирцийн мэдээллийг шууд дамжуулан хүргэж байна. 18:00 цагийн байдлаар Монгол Улсын нийт сонгогчийн 45.6 хувь буюу 963 мянган хүн сонгуульд саналаа өгчээ.
Харин 45-аас дээш насны сонгогчдын 50 хувь нь сонгуульд саналаа өгчээ. 65-аас дээш насны сонгогчдын 70 хувь нь сонгуульдаа оролцсон нь хамгийн сайн үзүүлэлт болжээ.
Тэгвэл 18-29 насны сонгогчдын ирц 30 гаруй хувьтай байгаа нь хамгийн муу үзүүлэлт болоод байна. Тэр дундаа 20-24 насны сонгогчдын ирц 25 хувьтай байгаа юм.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглахдаа эх сурвалжаа (ikon.mn) заавал дурдах ёстойг анхаарна уу!