Нийслэлийн Сонгуулийн Хорооноос өнөөдөр хэвлэлийн хурал зохион байгуулах үеэр аймаг, нийслэл, сум, дүүргийн ИТХ-ын сонгуулийн саналын хуудсыг хэрхэн бөглөх зааврыг хэллээ.
НСХ-ны нарийн бичгийн дарга Ц.Осорваань "Иргэд саналын хуудсыг бөглөхдөө хоёр төрлийн сонголт хийнэ. Тухайн дүүргийнхээ төлөөлөгч нарт саналаа өгчхөөд нийслэлийн төлөөлөгчийг сонгохоо мэдэхгүй явсан тохиолдлууд гарч байна.
УИХ-ын сонгуульд санал өгөхдөө хоёр саналын хуудсыг бөглөж байсан бол аймаг, нийслэл, сум, дүүргийн ИТХ-ын сонгуулийн саналын хуудас нэг байгаа юм.
Өөрөөр хэлбэл сонгогчид саналын нэг хуудас өгнө. Уг хуудсан дээр хоёр төрлийн сонголт хийх юм. Нийслэлийн ИТХ-ын нэр дэвшигчийг тухайн тойргийнхоо мандатын тоогоор дугуйлна. Түүний доод талд сум, дүүргийн нэр дэвшигчийг мандатын тоогоор дугуйлах ёстой. Жишээ нь нэг мандаттай бол нэг нэр дэвшигчийн нэрийг дугуйлна" гэж тайлбарлалаа.
ШУУД ҮЗЭХ:
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглахдаа эх сурвалжаа (ikon.mn) заавал дурдах ёстойг анхаарна уу!