Улаанбаатар хотын 38 байршилд авто замыг шинэчилжээ
Нийслэлийн удирдах ажилтнуудын өнөөдөр болсон шуурхай зөвлөгөөний эхэнд нийслэлд хэрэгжиж байгаа авто замын засвар, шинэчлэлтийн ажлын явцын талаар Замын хөгжлийн газрын дарга Б.Одбаяр танилцуулав.
Тэрбээр “Улаанбаатар хотын хэмжээнд нийт 87 байршилд авто замыг засаж, шинэчилнэ. Үүнээс улсын төсвийн хөрөнгөөр 5, Нийслэлийн замын сангийн хөрөнгөөр 17, Нийслэлийн үнэт цаасны хөрөнгөөр 65 төсөл, арга хэмжээг хэрэгжүүлж байна.
Өнөөдрийн байдлаар 38 байршилд авто замыг шинэчлээд байгаа бол гурван байршилд ажил үргэлжилж байгаа.
Харин найман байршилд авто зам шинэчлэхээр худалдан авах ажиллагааг зохион байгуулна” гэв.
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглахдаа эх сурвалжаа (ikon.mn) заавал дурдах ёстойг анхаарна уу!
