Ливанд энхийг сахиулах ажиллагаанд үүрэг гүйцэтгэж байгаа монгол эмч нар хүүхэд эх барьж авсан анхны тохиолдол болжээ
Бүгд Найрамдах Ливан Улсад НҮБ-ын энхийг сахиулах UNIFIL ажиллагаанд үүрэг гүйцэтгэж байгаа Монгол Улсын эмч нарын баг амаржих гэж байсан эмэгтэйг эсэн мэнд төрүүлжээ.
Тэдний мэдээлснээр уг ажиллагаанд үүрэг гүйцэтгэж байгаа их эмч дэслэгч Б.Цэрэнчунт, ахлах дэслэгч Б.Билгүүнцог нар шуурхай ажилласны дүнд энэ оны сарын 19-ний өдөр Индонез улсын иргэнд яаралтай тусламж үзүүлж, хүүхдийг эсэн мэнд эх барьж авсан байна.
Эх, хүүхдийн биеийг тогтворжуулсны дараа Тир хот дахь төв эмнэлэгт хүргэжээ.
Энэ нь UNIFIL +1 эмнэлгийн түүхэнд хүүхэд эх барьж авсан анхны тохиолдол болсон байна.
Эх сурвалж: ЗХЖШ
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглахдаа эх сурвалжаа (ikon.mn) заавал дурдах ёстойг анхаарна уу!
