Уншиж байна ...

Жүдогийн ДАШТ-д түрүүлсэн тамирчин 26,000 еврогийн шагнал хүртэнэ

Э.Тэмүүлэн, iKon.mn
2024 оны 5 сарын 14
IKON.MN
Зураг зураг
Гэрэл зургийг MPA агентлагийн онцгой зөвшөөрөлтэйгөөр ашиглав

Энэ сарын 19-24-нд Абу Даби хотод жүдогийн Дэлхийн Аварга Шалгаруулах Тэмцээн (ДАШТ) болно. Энэ удаагийн тэмцээнд 109 орны 675 тамирчин өрсөлдөхөөр болсон билээ. Манай улсаас эрэгтэй ес, эмэгтэй ес нийт 18 жүдоч зодоглох юм.

Өмнө нь олимптой жилд ДАШТ зохион байгуулдаггүй байсан бол энэ удаа олимпын эрхийн оноонд хамгийн чухал нөлөө үзүүлэх тэмцээн болж байна. Тодруулбал ДАШТ-ээс алтан медаль хүртвэл олимпын чансаандаа 2,000, мөнгө 1,400, хүрэл медальтнууд 1,000 оноо авах юм. Харьцуулбал Их Дуулга тэмцээнд түрүүлсэн жүдоч 1,000 оноо авдаг билээ. 

Жүдогийн олимпын эрхийн оноог тооцох эцсийн хугацаа ирэх зургаадугаар сарын 23-нд дуусгавар болж, хоёр хоногийн дараа албан ёсоор олонд зарлах юм. Үүний дараа нэг жинд олон эрх авсан улс аль тамирчнаа олимпод илгээхээ мэдэгдэх ёстой. Ингээд долдугаар сарын 8-нд гэхэд эцсийн бүрэлдэхүүн тодрох аж.


Монголын шигшээ багийн бүрэлдэхүүн:

Энэ удаагийн ДАШТ-д Монголоос гадна Япон, БНСУ, Франц, Герман, Итали, Бразил, Узбекистан улс бүрэн бүрэлдэхүүнээрээ буюу 18 жүдочтой өрсөлдөх юм. Эдгээр улсын араас Нидерланд 17, Казахстан 16, Израиль, Турк тус бүр 15 хүний бүрэлдэхүүнтэй оролцох аж. 

Эрэгтэйчүүдийн 81 кг-д хамгийн олон буюу 60 тамирчин бүртгүүлсэн бол эмэгтэйчүүдийн 63 кг-д 50 жүдоч хүч сорино. 

ЭРЭГТЭЙ:

  • 60 кг: Э.Ариунболд, Б.Цогт-Очир
  • 66 кг: Ё.Басхүү, Б.Эрхэмбаяр
  • 73 кг: Б.Эрдэнэбаяр, Л.Анхжаргал
  • 81 кг: Г.Болор-Очир
  • 90 кг: Г.Алтанбагана
  • +100 кг: О.Цэцэнцэнгэл

ЭМЭГТЭЙ:

  • 48 кг: Б.Баасанхүү, Г.Наранцэцэг
  • 52 кг: Л.Сосорбарам
  • 57 кг: Л.Энхрийлэн, М.Ичинхорлоо
  • 63 кг: Б.Ганхайч
  • 70 кг: Б.Ням-Эрдэнэ
  • -78 кг: О.Хүслэн
  • +78 кг: А.Адъяасүрэн 

Шагналын сан:

ДАШТ-ий нийт шагналын сан 800,000 евро байхаар төлөвлөжээ. 

  • Алт: 26,000 евро (20,800 тамирчинд, 5,200 нь дасгалжуулагчид)
  • Мөнгө: 15,000 евро (12,000 тамирчинд, 3,000 дасгалжуулагчид)
  • Хүрэл: 8,000 евро (6,400 тамирчинд, 1,600 дасгалжуулагчид)

Хуваарь:

Тавдугаар сарын 19 -нд: 

  • Эмэгтэй 48, 52 кг, эрэгтэй 60 кг 
  • 15:00 цагаас хэсгийн барилдаан
  • 22:00 цагаас шигшээ барилдаан

Тавдугаар сарын 20 -нд: 

  • Эмэгтэй 57 кг, эрэгтэй 66, 73 кг 
  • 15:00 цагаас хэсгийн барилдаан
  • 22:00 цагаас шигшээ барилдаан

Тавдугаар сарын 21 -нд: 

  • Эмэгтэй 63 кг, эрэгтэй 81 кг 
  • 15:00 цагаас хэсгийн барилдаан
  • 22:00 цагаас шигшээ барилдаан

Тавдугаар сарын 22 -нд: 

  • Эмэгтэй 70, -78 кг, эрэгтэй 90 кг 
  • 15:00 цагаас хэсгийн барилдаан
  • 22:00 цагаас шигшээ барилдаан

Тавдугаар сарын 23 -нд: 

  • Эмэгтэй +78 кг, эрэгтэй -100, +100 кг 
  • 16:00 цагаас хэсгийн барилдаан
  • 22:00 цагаас шигшээ барилдаан

Тавдугаар сарын 24 -нд: 

  • Багийн барилдаан
  • 16:00 цагаас хэсгийн барилдаан
  • 22:00 цагаас шигшээ барилдаан