ЭЕШ-д бүртгүүлсэн шалгуулагчид суудлын хуваариа өнөөдрөөс эхлэн хэвлэж авна
2023 оны хоёр дахь Элсэлтийн Ерөнхий Шалгалт (ЭЕШ)-д хамрагдахаар бүртгүүлсэн шалгуулагчид суудлын хуваариа өнөөдрөөс/2023.12.01/ эхлэн хэвлэж авах боломжтой боллоо.
Шалгалт өгөх байр, анги танхим, суудлын дугаарын мэдээлэл бүхий “Суудлын хуваарь” хуудсыг Боловсролын үнэлгээний төв (БҮТ)-ийн www.eec.mn цахим хуудасны “Шалгуулагчийн булан”-д өөрийн бүртгэлийн дугаар болон нууц үгийг ашиглан нэвтэрч, хэвлэн авна.
Суудлын хуваарийг шалгалтад орохдоо авч очих юм байна.
ЭЕШ арванхоёрдугаар сарын 7-10-нд зохион байгуулагдах бөгөөд 5,645 шалгуулагч бүртгүүлжээ.
Тодруулбал арванхоёрдугаар сарын 7-нд Улаанбаатарын цагаар 10:00 цагт Монгол хэл бичгийн шалгалт эхэлнэ. Шалгалт нийслэлийн зургаан байршилд явагдана.
Шалгалтын хуваарь:
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглахдаа эх сурвалжаа (ikon.mn) заавал дурдах ёстойг анхаарна уу!
