Нэгдүгээр сард инфляц улсын хэмжээнд 12.3% гарчээ

Гэрэл зургийг mpa.mn

Инфляцын түвшин 2023 оны нэгдүгээр сард улсын хэмжээнд 12.3 хувьтай гарсныг Үндэсний Статистикийн Хороо(ҮСХ)-ноос мэдээлэв.

Мөн инфляцын 5.8 нэгж буюу 47.3 хувь нь импортын барааны үнийн өсөлтөөс шалтгаалж байна.

Хэрэглээний бараа, үйлчилгээний үнэ өмнөх оны мөн үеэс 12.3 хувиар өсөхөд:

• хүнсний бараа, ундаа, усны бүлгийн үнэ 14 хувь,
• согтууруулах ундаа, тамхины бүлгийн үнэ 8.7 хувь,
• хувцас, бөс бараа, гутлын бүлгийн үнэ 15.6 хувь,
• орон сууц, ус, цахилгаан, хийн болон бусад бүлгийн үнэ 14.6 хувь,
• эм, тариа, эмнэлгийн үйлчилгээний үнэ 12.2 хувь,
• тээврийн бүлгийн үнэ 8.1 хувиар тус тус өссөн нь голлон нөлөөлжээ. 

Нэмж дурдахад, 2022 оны арванхоёрдугаар сард улсын хэмжээнд 13.2 хувьтай гарч байв.