ЧАНАР 75
ЧАНАР 85
ЧАНАР 152
ЧАНАР 57
ЧАНАР 59
ЧАНАР 85
ЧАНАР 38
ЧАНАР 99
ЧАНАР 107
ЧАНАР 65
ЧАНАР 18
ЧАНАР 58
ЧАНАР
ЧАНАР 123
ЧАНАР 101
ЧАНАР 46
ЧАНАР 47
ЧАНАР 32
ЧАНАР 69
Ерөнхий сайд Л.Оюун-Эрдэнэ ОХУ-ын Ерөнхийлөгч В.В.Путинтэй уулзаж, Эгийн голын УЦС зэрэг асуудлыг ярилцана
ОХУ-ын Владивосток хотод болох Дорнын эдийн засгийн чуулганд Монгол Улсын Ерөнхий сайд Л.Оюун-Эрдэнэ оролцохоор болсон.
Уг чуулга уулзалт нь жилд хоёр удаа тогтмол зохион байгуулагддаг бөгөөд манай улс Ерөнхийлөгчийн түвшинд оролцсоор ирснийг Гадаад харилцааны сайд Б.Батцэцэг өнөөдөр онцлов.
Тэрбээр "Эргэн тойрондоо болж буй эдийн засгийн харилцааны гадна үлдэж болохгүй. Аль болох оролцоогоо нэмэгдүүлж, хөгжлийн бодлогоо хэрэгжүүлж, томоохон төслүүдээ урагшлуулж байх нь манай улсын эрх ашигт нийцнэ.
Швейцарын Давост болдог Дэлхийн эдийн засгийн форум, БНХАУ-ын Баод болдог Азийн чуулга уулзалтад ч мөн адил өндөр түвшинд оролцдог. Ингэхдээ чуулга уулзалтуудын бүх боломжийг дээд хэмжээнд ашиглах зорилт тавьж, сайтар бэлддэг" гэлээ.
Дорнын эдийн засгийн чуулга уулзалтад оролцох гэж буй Ерөнхий сайдын зорилго нь томоохон төслүүд болох Эгийн голын усан цахилгаан станц, баруун босоо, зүүн босоо тэнхлэгийн төмөр зам, төмөр замын төв коридорын асуудлуудаар ярилцах юм.
Гадаад харилцааны сайд Б.Батцэцэг "Хоёр хөршийн харилцаанд тэргүүлэх ач холбогдол өгдөг манай гадаад бодлогыг гуравдагч хөршүүд маань сайн ойлгодог. Гуравдагч хөршүүдтэйгээ харилцаагаа улам өргөжүүлэх эрмэлзлийг хоёр хөрш маань ойлгодог гэж дүгнэж болно.
ВИДЕО:
Хэвлэл мэдээллийн байгууллагууд (Телевиз, Радио, Social болон Вэб хуудаснууд) манай мэдээллийг аливаа хэлбэрээр бүрэн ба хэсэгчлэн авч ашиглахдаа эх сурвалжаа (ikon.mn) заавал дурдах ёстойг анхаарна уу!
